വിവാഹിതരായതിന് തൊട്ടുപിന്നാലെ ദമ്പതികള്‍ ഹോട്ടല്‍മുറിയില്‍ സെല്‍ഫിയെടുത്തശേഷം ജീവനൊടുക്കി. ആരെയും കുറ്റപ്പെടുത്താനില്ലെന്നു സെല്‍ഫിയില്‍ പറഞ്ഞാണ് കോയമ്പത്തൂര്‍ സ്വദേശികളായ സമ്പത്ത്കുമാറും സകത്യവാണിയും തിരുപ്പതിയിലെ ഗസ്റ്റ് ഹൗസില്‍ വിവാഹത്തിനു മണിക്കൂറുകള്‍ക്കു ശേഷം ആത്മഹത്യ ചെയ്തത്. വീട്ടുകാരുടെ അനുമതിയില്ലാതെയാണ് ഇരുവരും വിവാഹിതരായത്.
തിരുമല രംബഗീച്ച ഗസ്റ്റ് ഹൗസിലാണ് ഇരുവരും മൂന്നുദിവസം മുമ്പു മുറിയെടുത്തത്. ഇന്നലെ മുറി വൃത്തിയാക്കാനായി വാതില്‍ മുട്ടിയിട്ടും തുറക്കാതിരുന്നതിനെത്തുടര്‍ന്നു പൊളിച്ചപ്പോഴാണ് ഇരുവരെയും തൂങ്ങിമരിച്ചനിലയില്‍ കണ്ടെത്തിയത്. സീലിംഗ് ഫാന്‍ അഴിച്ചുമാറ്റി അതിന്റെ ഹുക്കിലാണ് ഇരുവരും ഒറ്റക്കയറില്‍ കുരുക്കുകെട്ടിയിരുന്നത്. മൊബൈല്‍ ഫോണുകള്‍ പരിശോധിച്ചപ്പോഴാണ് ഇരുവരും കടുംകൈ ചെയ്യുന്നതിനു മുമ്പ് സെല്‍ഫി എടുത്തിരുന്നതായി ബോധ്യമായത്. ആത്മഹത്യാക്കുറിപ്പായാണ് ഇരുവരും സെല്‍ഫി വീഡിയോ റെക്കോഡ് ചെയ്തത്.
സമ്പത്ത് കുമാറിന്റെ രണ്ടാം വിവാഹമായിരുന്നു ഇത്. ആദ്യ വിവാഹബന്ധം വേര്‍പെടുത്തിയശേഷം അടുത്തബന്ധുവായ സത്യവാണിയുമായി പ്രണയത്തിലാവുകയായിരുന്നു. വീട്ടുകാര്‍ വിവാഹത്തെ എതിര്‍ത്തതിനെത്തുടര്‍ന്നാണ് ഇരുവരും കഴിഞ്ഞദിവസം തിരുപ്പതിയിലെത്തി വിവാഹിതരായത്‌

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha