ക്ലാസിക്കല്‍ ഭാഷ.മൂന്നരക്കോടി ജനങ്ങളുടെ സംസാര ഭാഷ. പറഞ്ഞിട്ടെന്ത് കാര്യം! സര്‍ക്കാരിനും പി.എസ്.സി യ്ക്കും തങ്ങളുടെ മാതൃഭാഷയെ പുച്ഛം. അല്ലെങ്കില്‍ ഇങ്ങനെയൊരു ക്രൂരത ഉദ്യോഗാര്‍ഥികളോട് പി.എസ്.സി കാണിക്കുമായിരുന്നോ...മെയ് 24 നു നടത്തുന്ന യൂണിവേഴ്‌സിറ്റി അസിസ്റ്റന്റ് പരീക്ഷ മുതലായവയില്‍ നിന്നും മലയാളത്തെ അപ്പാടെ തന്നെ ഒഴിവാക്കിയിരിക്കുന്നു. ഈ പ്രശ്‌നം ഭാഷാസ്‌നേഹികള്‍ക്കിടയില്‍ മാത്രം ഒതുങ്ങി നില്‍ക്കുന്ന ഒന്നല്ല. മൂന്നരക്കോടി ജനങ്ങളുടെയും കൂടി പ്രശ്‌നമാണ്. മലയാളം ഒന്നാം ഭാഷയാക്കുന്ന ഉത്തരവുണ്ടായപ്പോള്‍ ഇവിടുത്തെ വിദ്യാഭ്യാസക്കച്ചവടക്കാര്‍ കോടതിയില്‍ പോകുകയും ഉത്തരവിനെ അതിജീവിക്കുകയും ചെയ്തിരുന്നു. തങ്ങളുടെ കച്ചവടത്തെ ബാധിക്കുന്ന ഒന്നാണ് പി.എസ്.സി പരീക്ഷയില്‍ മലയാളത്തില്‍ ചോദ്യങ്ങള്‍ ഉണ്ടാവുന്നത് എന്നവര്‍ കണക്കുകൂട്ടിയിട്ടുണ്ടാവാം. കൗശലപൂര്‍വം കരുക്കള്‍ നീക്കി സര്‍ക്കാരും പി.എസ്. സി യും അവരെ സഹായിക്കുന്നില്ല എന്ന് ആര് കണ്ടു...സംഭവിച്ചത് പി.എസ്.സി യുടെ കൈപ്പിഴ ആണെങ്കില്‍ തിരുത്തുവാന്‍ മടിക്കുന്നതെന്തിനു? ഒരുവിധത്തില്‍ പറഞ്ഞാല്‍ മലയാളം മരിച്ചുകൊണ്ടിരിക്കുന്നതിനു ഉദാഹരണമല്ലേ സര്‍ക്കാരിന്റെ ഈ വിധത്തിലുള്ള പ്രവര്‍ത്തികള്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha