ഇടുക്കി കുഞ്ചിത്തണ്ണിയില്‍ പ്രദേശവാസികളെ ഭീതിയിലാക്കി മഞ്ഞമഴ. മഴയെ തുടര്‍ന്ന് ചെടികള്‍ കരിഞ്ഞ നിലയിലാണ്. കഴിഞ്ഞ രണ്ടാഴ്ചയ്ക്കിടെ ഇത് രണ്ടാം തവണയാണ് പ്രദേശത്ത് ഇത്തരത്തില്‍ മഞ്ഞ മഴ പെയ്യുന്നത്. മഴപെയ്യുമ്പോള്‍ രൂക്ഷഗന്ധം അനുഭവപ്പെട്ടിരുന്നതായും മഴയെ തുടര്‍ന്ന് ചെടികള്‍ കരിഞ്ഞുണങ്ങിയ സാഹചര്യത്തില്‍ അമ്ല മഴയാണ് ഇതെന്ന് സംശയിക്കുന്നതായും നാട്ടുകാര്‍ പറയുന്നു. അതേസമയം, ആരോഗ്യപ്രശ്‌നങ്ങളൊന്നും റിപ്പോര്‍ട്ട് ചെയ്യപ്പെട്ടിട്ടില്ല.
ഇത്തരത്തില്‍ മഴ പെയ്തിട്ടുള്ള സ്ഥലങ്ങളില്‍ കനത്ത ചൂടാണ് അനുഭവപ്പെട്ടു വന്നിരുന്നത്. നാട്ടുകാരുടെ ആശങ്കയെ തുടര്‍ന്ന് കൃഷിവകുപ്പ് ഉദ്യോഗസ്ഥര്‍ സ്ഥലത്തെത്തി സാമ്പിളുകള്‍ ശേഖരിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha