കണ്ണില്ലാത്ത ക്രൂരത കാണിച്ചവന് തൂക്കുകയര്‍ വേണം ജിഷയുടെ അമ്മ. കുടുംബത്തിന് ഭീഷണിയുണ്ടായിരുന്നുവെന്ന് പെരുമ്പാവൂരില്‍ കൊല്ലപ്പെട്ട ജിഷയുടെ അമ്മ. സമീപവാസിയാണ് ഭീഷണിപ്പെടുത്തിയത്. വണ്ടിയിടിപ്പിച്ച് കൊല്ലുമെന്നാണ് ഭീഷണിപ്പെടുത്തിയത്. പലപ്പോഴും വണ്ടിയുമായി വന്നിരുന്നു. മകളുടെ സുരക്ഷയെ കുറിച്ച് ആശങ്കയുണ്ടായിരുന്നു. ഇത് പൊലീസിനോടും പറ!ഞ്ഞിരുന്നു. എന്നാല്‍, പൊലീസില്‍ പരാതിപ്പെട്ടെങ്കിലും ആരും അന്വേഷിച്ചില്ല. മാനുഷിക പരിഗണന ലഭിച്ചില്ലെന്നും ജിഷയുടെ മാതാവ് രാജേശ്വരി പ്രതികരിച്ചു.
വീട്ടില്‍ ആരുമില്ലാത്ത സമയം മനസിലാക്കിയ ആരോ ആണ് കൊലപാതകത്തിന് പിന്നിലെന്ന് ജിഷയുടെ സഹോദരിയും സംശയം പ്രകടിപ്പിച്ചിരുന്നു. ഇതിന്റെ പിന്നില്‍ ആരാണെന്ന് അറിഞ്ഞുകൂടെന്നും ജിഷയുടെ സഹോദരി പറഞ്ഞു. പൂര്‍വ വൈരാഗ്യ സാധ്യതയും പൊലീസ് പരിഗണിക്കുന്നുണ്ട്. ജിഷ കൊല്ലപ്പെടുമ്പോള്‍ അമ്മ ജോലിക്ക് പോയിരുന്നു. മാനഭംഗം ചെയ്യപ്പെട്ട ശേഷം ജനനേന്ദ്രീയത്തില്‍ ക്രൂരമായ രീതിയില്‍ പരുക്കേല്‍പിച്ചാണ് ജിഷയെ കൊലപ്പെടുത്തിയത്. ശരീരത്തില്‍ 30 ഓളം മുറിവുകളുമുണ്ടായിരുന്നു.
സംഭവത്തില്‍ അന്വേഷണം പരിചയക്കാരിലേക്കും പൊലീസ് വ്യാപിപ്പിച്ചു. കൊലപാതകം നടന്ന സമയവും മൊഴികളും പരിഗണിച്ചാണ് വീട്ടുകാരെ അറിയുന്നവരാകും കൊലപാതകത്തിന് പിന്നിലെന്ന നിഗമനത്തിലേക്ക് പൊലീസ് എത്തുന്നത്. ഡല്‍ഹിയില്‍ നിര്‍ഭയയ്ക്ക് സമാനമായ രീതിയില്‍ ക്രൂരമായായിരുന്നു ജിഷയെ കൊലപ്പെടുത്തിയത്. സംഭവത്തില്‍ മുഖ്യമന്ത്രിയും ആഭ്യന്തര മന്ത്രിയും ആശങ്ക രേഖപ്പെടുത്തി. സംഭവസ്ഥലം സന്ദര്‍ശിക്കുമെന്നും മുഖ്യമന്ത്രി വ്യക്തമാക്കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha