മുരിങ്ങൂര്‍ ഗാന്ധി നഗര്‍ കോളനിയില്‍ കനാല്‍ പുറമ്പോക്കില്‍ കുടിലില്‍ കഴിയുന്ന അമ്മിണിയ്ക്കും മകള്‍ക്കും സഹായവുമായി നടി മഞ്ജു വാര്യര്‍. പ്ലസ് ടു വിദ്യാര്‍ത്ഥിനിയായ ശ്രീജിതയുടെ പഠനചെലവ് മഞ്ജു ഏറ്റെടുത്തു. നിര്‍മ്മാണം നടക്കുന്ന വീടിന്റെ പണി പൂര്‍ത്തിയാകുന്നത് വരെ ഇവരെ മറ്റൊരു വീട്ടിലേക്ക് മാറി താമസിപ്പിക്കണം. അതിന് ആവശ്യമായ പണം നല്‍കുമെന്നും മഞ്ജു വാര്യര്‍ അറിയിച്ചു.

കൊരട്ടി പഞ്ചായത്തിലെ ഒന്നാം വാര്‍ഡിലാണ് അമ്മിണിയും മകളും കുടിലിന് സമാനമായ വീട്ടില്‍ കഴിയുന്നത്. പെരുമ്പാവൂരിലെ നിയമ വിദ്യാര്‍ത്ഥിനിയുടെ മരണത്തിന്റെ പശ്ചാത്തലത്തിലാണ് ഇരുവരുടെയും ദുരവസ്ഥ മാധ്യമങ്ങളില്‍ വാര്‍ത്ത ആയത്. അഞ്ച് വര്‍ഷം മുമ്പാണ് അമ്മിയുടെ ഭര്‍ത്താവ് ശ്രീനിവാസന്‍ മരിക്കുന്നത്. പുറമ്പോക്കിലെ ഈ കുടില്‍ മാത്രമാണ് ഈ കുടുംബത്തിന്റെ ഏക സമ്പാദ്യം.

ജില്ലാ പഞ്ചായത്ത് കൊരട്ടി പഞ്ചായത്തിലെ വലങ്ങാമുറിയില്‍ നിര്‍മ്മിച്ച ആശ്രയ ഫഌറ്റിലെ 12 വീടുകളില്‍ ഒന്ന് അമ്മിനിയുടെ പേരിലുണ്ട്. ആറ് മാസം മുമ്പ് ഈ വീടിന്റെ താക്കോല്‍ ലഭിച്ചു. എന്നാല്‍ നിര്‍മ്മാണം പൂര്‍ത്തിയാകാത്തതിനാല്‍ അങ്ങോട്ടേയ്ക്ക് മാറാന്‍ സാധിക്കുന്നില്ല. സമീപത്തെ കനാലില്‍ വെള്ളം നിറഞ്ഞാല്‍ അമ്മിണിയുടെ കുടിലിലും വെള്ളം കയറും. മഴക്കാലത്ത് തൊട്ടടുത്ത ക്ലബ്ബിന്റെ വരാന്തയില്‍ ഇരുന്നാണ് ശ്രീജിത പഠിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha