പീരുമേട് എംഎല്‍എ ബി എസ് ബിജിമോള്‍ക്കെതിരെ ആക്ഷേപവുമായി എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. ബിജിമോള്‍ക്ക് ഭ്രാന്താണെന്നും സ്ത്രീപീഡന വിരുദ്ധ നിയമം നിലവിലില്ലായിരുന്നെങ്കില്‍ അവരെ പണ്ടേ ആരെങ്കിലും അടിച്ചു കൊട്ടയില്‍ കയറ്റേണ്ട കാലം കഴിഞ്ഞുവെന്ന് വെള്ളാപ്പള്ളി പറഞ്ഞു. ഈ തടിയും വച്ചുകൊണ്ട് നിയമസഭയില്‍ ആരെങ്കിലും തട്ടിയാല്‍ പീഡനക്കേസ് വരുമെന്നതുകൊണ്ടാണ്, അല്ലെങ്കില്‍ ആരെങ്കിലും പണ്ടെ അടിച്ചു കൊട്ടയില്‍ കയറ്റിയെനെന്നും വെള്ളാപ്പള്ളി പറഞ്ഞു.

ബിജിമോള്‍ ഒന്നാന്തരം തറയാണെന്നും അദ്ദേഹം ആരോപിച്ചു. തനിക്കെതിരെ വീടുകള്‍ തോറം കയറിയിറങ്ങി ബിജിമോള്‍ കുപ്രചരണം നടത്തുകയാണെന്നും വെള്ളാപ്പള്ളി ആരോപിച്ചു. കുമാരാനാശാന്‍ ഇരുന്ന കസേരയില്‍ കയറിയിരുന്ന്, അതിന് യോജിക്കാത്ത കാര്യങ്ങള്‍ ചെയ്യുന്നുവെന്ന ബിജിമോളുടെ ആക്ഷേപത്തിന് മറുപടിയായാണ് മുണ്ടക്കയത്ത് തെരഞ്ഞെടുപ്പ് പ്രചരണയോഗത്തില്‍ വെള്ളാപ്പള്ളിയുടെ വിവാദ പരാമര്‍ശങ്ങള്‍. ഇടുക്കിയില്‍ എന്‍ഡിഎ ശക്തമായ മത്സരം കാഴ്ച്ചവെക്കുന്നതിന് ഇടെയാണ് വെള്ളാപ്പള്ളിയുടെ വിവാദ പരാമര്‍ശങ്ങള്‍. വെള്ളാപ്പള്ളിയുടെ പരാമര്‍ശങ്ങള്‍ക്കെതിരെ സോഷ്യല്‍ മീഡിയയില്‍ പ്രതിഷേധം ശക്തമായിട്ടുണ്ട്. സ്ത്രീവിരുദ്ധമായ പ്രസംഗം നടത്തിയെന്നാണ് ആരോപണം.

നേരത്തെ ഉടുമ്ബന്‍ ചോലയിലെ സിപിഐ(എം) സ്ഥാനാര്‍ത്ഥി എം.എം മണിക്കെതിരെയും വംശീയ അധിക്ഷേപവുമായി വെള്ളാപ്പള്ളി പ്രസംഗിച്ചിരുന്നു. മണിയുടെ നിറത്തെയും രൂപത്തെയും പരിഹസിച്ചാണ് വെള്ളാപ്പള്ളിയുടെ പ്രസംഗം. കരിങ്കുരങ്ങെന്നാണ് പ്രസംഗത്തില്‍ മണിയെ വെള്ളാപ്പള്ളി വിശേഷിപ്പിച്ചത്. കരിങ്കുരങ്ങിന്റെ നിറമുള്ള മണിയെ വിജയിപ്പിക്കണമോയെന്ന് ഈഴവസമുദായം ആലോചിക്കണം എന്നായിരുന്നു വെള്ളാപ്പള്ളി അന്ന് പറഞ്ഞത്.

എം.എം മണിയൊന്നും നിയമസഭയിലേക്ക് പോകേണ്ടയാളല്ല പൂരപ്പറമ്ബിലേക്ക് പോകേണ്ടയാളാണ്. ഭൂതപ്പാട്ട് പാടാന്‍ പറഞ്ഞയക്കാന്‍ കൊള്ളാവുന്ന ഈ കരിങ്കുരങ്ങനെ അങ്ങോട്ട് വിടുക എന്നുള്ളതല്ലതെ മനുഷ്യരുടെ ഇടയില്‍ പറഞ്ഞയക്കാന്‍ കൊള്ളില്ല എന്നായിരുന്നു വെള്ളാപ്പള്ളിയുടെ പ്രസംഗത്തിലെ ഒരു ഭാഗം. മണി കരിം ഭൂതമാണെന്നും വെള്ളാപ്പള്ളി പറഞ്ഞിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha