സംശയിക്കേണ്ട! ഇടവേളബാബു തന്നെ; ബാബുവിനു വേണ്ടി റവന്യൂ ഇന്റലിജന്സ് വല വിരിച്ചു
ഫയാസിന്റെ നേതൃത്വത്തിലുള്ള സ്വര്ണ്ണ കള്ളക്കടത്ത് സംഘത്തിന്റെ കണ്ണിയെന്ന് വിശ്വസിക്കുന്ന സിനിമാതാരം ഇടവേളബാബു. അമ്മ ഭാരവാഹിയായ ബാബുവിനെ ഉടന് ചോദ്യം ചെയ്യും. കുണ്ടന്നൂരിലെ ഫ്ളാറ്റില് സ്ഥിരം സന്ദര്ശകനായ ബാബു സ്വര്ണം കടത്താറുണ്ടെന്ന് പോലീസ് സംശയിക്കുന്നു. സിനിമാ നടനാണെന്ന ആനുകൂല്യത്തില് കര്ശനമായ സുരക്ഷാ പരിശോധനകളില് നിന്നും ബാബു രക്ഷപ്പെടാറുണ്ട്.
ബാബുവിനു വേണ്ടി റവന്യൂ ഇന്റലിജന്സ് വല വിരിച്ചു കഴിഞ്ഞു. എറണാകുളത്തുള്ള ബാബു രക്ഷപ്പെടാതിരിക്കുന്നതിനു വേണ്ടിയാണ് റവന്യൂ ഇന്റലിജന്സ് വല വിരിച്ചത്.
ബാബുവിന്റെ സിനിമാസുഹൃത്തുക്കളിലേക്കും അന്വേഷണം വ്യാപിക്കാനിടയുണ്ട്. സൂപ്പര്താരങ്ങളുമായി അടുത്ത ചങ്ങാത്തം പുലര്ത്തുന്ന ബാബു ചലച്ചിത്ര നിര്മ്മാതാക്കളെ സംവിധായകരുമായി കൂട്ടിമുട്ടിക്കാറുണ്ട്. കേരളത്തിലെ സിനിമാരംഗത്ത് പല പേരുകളില് അറിയപ്പെടുന്ന നിര്മ്മാതാക്കളുടെ പണത്തിന്റെ സ്രോതസ് എവിടെ നിന്നാണെന്നാണ് പോലീസ് അന്വേഷിക്കുന്നത്.
സിനിമാരംഗത്ത് ഒറ്റ രാത്രി കൊണ്ട് പണക്കാരായവര് നിരവധിയാണ്. ഇവര്ക്ക് നേരെയാണ് പ്രധാനമായും അന്വേഷണം നീളുന്നത്. ഇവരില് പലരും ഇടവേള ബാബുവിന്റെ ചങ്ങാതിമാരാണ്. ഫയാസ് വ്യാജ പേരുകളില് സിനിമ നിര്മ്മിക്കാറുണ്ടോ എന്നും അന്വേഷിക്കുന്നുണ്ട്. ചില സൂപ്പര് താരങ്ങളിലേക്കും അന്വേഷണം നീളാനിടയുണ്ട്. ഇവര്ക്കും ഫയാസുമായി ബന്ധമുണ്ടെന്ന് പോലീസ് സംശയിക്കുന്നു.
ബിസിനസുകാരന് എന്ന ലേബലിലാണ് ഫയാസ് ഇവരുമായി ചങ്ങാത്തം കൂടുന്നത്. കോടി കണക്കിന് രൂപ നിര്മ്മാണത്തിന് മുടക്കുന്നതോടെ ഇയാള് സൂപ്പര്താരങ്ങളുടെ കണ്ണിലുണ്ണിയാവും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
