ഉമ്മന്‍ ചാണ്ടി സെക്രട്ടേറിയറ്റിലെ മുഖ്യമന്ത്രിയുടെ ഓഫിസ് ഒഴിഞ്ഞതിനെ തുടര്‍ന്ന് അവിടെ വെബ്കാസ്റ്റിങ്ങിനായി സ്ഥാപിച്ച ക്യാമറകള്‍ നീക്കി. മുഖ്യമന്ത്രിയുടെ ഓഫിസിലെ രംഗങ്ങള്‍ ഓണ്‍ലൈനിലൂടെ ലോകത്തൊട്ടാകെ തത്സമയം കാണാന്‍ സൗകര്യം നല്‍കുന്നതിനാണു ക്യാമറകള്‍ സ്ഥാപിച്ചിരുന്നത്. ഇനി പുതിയ മുഖ്യമന്ത്രി പിണറായി വിജയന്‍ നിര്‍ദേശിച്ചാലേ ഇവ വീണ്ടും സ്ഥാപിക്കുകയുള്ളൂ.
മുഖ്യമന്ത്രിയുടെ ചേംബറിലും ഓഫിസിലുമായി രണ്ടു ക്യാമറകളിലൂടെയായിരുന്നു വെബ്കാസ്റ്റിങ്. മുഖ്യമന്ത്രി ഓഫിസിലുണ്ടോയെന്നും എന്തു ചെയ്യുന്നുവെന്നും ലോകത്ത് എവിടെയിരുന്നും കാണാന്‍ ഇതിലൂടെ സാധിക്കുമായിരുന്നു. മുഖ്യമന്ത്രിയുടെ കസേരയില്‍ അദ്ദേഹത്തിന്റെ അസാന്നിധ്യത്തില്‍ മനോനില തെറ്റിയ ഒരാള്‍ കയറിയിരുന്നതു ലോകം അറിഞ്ഞത് ഈ ക്യാമറയിലൂടെയാണ്.

സി ഡിറ്റിന്റെ ഉടമസ്ഥതയിലുള്ളതാണു ക്യാമറകള്‍. ഉമ്മന്‍ ചാണ്ടി സ്ഥാനമൊഴിഞ്ഞ സാഹചര്യത്തില്‍ ക്യാമറകള്‍ സി ഡിറ്റ് ഏറ്റെടുക്കുകയായിരുന്നു. സ്വന്തം ഓഫിസില്‍ ഇനി എന്തെല്ലാം സൗകര്യങ്ങള്‍ വേണമെന്നും സിസിടിവിയും വെബ് ക്യാമറയും വേണമോയെന്നും തീരുമാനിക്കേണ്ടതു പിണറായി വിജയനാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha