ജിഷ കൊലക്കേസ് അന്വേഷിക്കാന്‍ എ ഡി ജി പി സന്ധ്യയുടെ നേതൃത്വത്തില്‍ പുതിയ സംഘത്തെ നിയോഗിക്കാന്‍ ഇന്ന് ചേര്‍ന്ന പിണറായി മന്ത്രിസഭയുടെ ആദ്യയോഗം തീരുമാനിച്ചു. നിലവിലുള്ള അന്വേഷണ സംഘത്തിന് വീഴ്ച സംഭവിച്ചിട്ടുണ്ടെന്നു മുഖ്യമന്ത്രി പിണറായി വിജയന്‍ വാര്‍ത്താസമ്മേളനത്തില്‍ അറിയിച്ചു .ഇവര്‍ക്കെതിരെ നടപടി എടുക്കുന്ന കാര്യം പരിശോധിക്കും. ജിഷയുടെ വീട് നിര്‍മ്മാണം 45 ദിവസത്തിനുള്ളില്‍ പൂര്‍ത്തീകരിക്കും. ജിഷയുടെ അമ്മയ്ക്ക് പ്രതിമാസം 5000 രൂപ പെന്‍ഷന്‍ നല്‍കും. സഹോദരിക്ക് ഉടന്‍ ജോലി ലഭ്യമാക്കും.

അതേസമയം, നിയമസഭാ സമ്മേളനം ജൂണ്‍ രണ്ടിനു ആരംഭിക്കും. സ്പീക്കര്‍ തിരഞ്ഞെടുപ്പ് മൂന്നിന്. 24ന് നയപ്രഖ്യാപനം. ബജറ്റ് അവതരണം ജൂലൈ എട്ടിനാണ്. കേരളത്തില്‍ അപ്രഖ്യാപിത നിയമന നിരോധനമുണ്ടെന്ന് പരാതിയുണ്ട്. ഒഴിവുകള്‍ റിപ്പോര്‍ട്ട് ചെയ്യുന്നതിന് 10 ദിവസത്തെ സമയം അനുവദിച്ചിട്ടിട്ടുണ്ട്. എല്ലാ വകുപ്പുകളും ഈ സമയപരിധിക്കുള്ളില്‍ ഒഴിവുകള്‍ റിപ്പോര്‍ട്ട് ചെയ്യണം. ചില വകുപ്പുകളില്‍ പിഎസ്സി പട്ടികയുണ്ടാകില്ല. ഇവിടങ്ങളില്‍ എത്ര ഒഴിവുകളുണ്ടെന്ന് തിട്ടപ്പെടുത്തും. ഇതുമായി ബന്ധപ്പെട്ട പ്രായോഗിക പ്രശ്‌നങ്ങള്‍ പിഎസ്‌സിയുമായി ചര്‍ച്ച ചെയ്യും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha