പ്രധാനമന്ത്രി നരേന്ദ്രമോഡിയുടെ നിഴലിനെപ്പോലും വെറുത്തിരുന്നവര്‍ക്ക് അദ്ദേഹത്തെ കാണാതിരിക്കാന്‍ കഴിയാത്ത സാഹചര്യമാണ് ഇപ്പോഴുള്ളതെന്ന് ബി.ജെ.പി സംസ്ഥാന അധ്യക്ഷന്‍ കുമ്മനം രാജശേഖരന്‍. കേരളത്തിന്റെ വികസനത്തിനായി പ്രധാനമന്ത്രി മുന്നോട്ടുവെച്ച നിര്‍ദ്ദേശങ്ങള്‍ സമയ ബന്ധിതമായി നടപ്പിലാക്കണമെന്നും ഇതിനായി ബിജെപിയുടെ ഭാഗത്തുനിന്ന് എല്ലാവിധ സഹകരണവും വാഗ്ദാനം ചെയ്യുന്നുവെന്നും കുമ്മനം പ്രസ്താവനയില്‍ പറഞ്ഞു.  കേരളത്തിന്റെ വികസനത്തിന് പ്രധാനമന്ത്രിയുടെ പിന്‍തുണ അത്യാവശ്യമാണ്. ഇത് പിണറായി തിരിച്ചറിയുന്നു എന്ന് കരുതാമെന്നും കുമ്മനം കൂട്ടിച്ചേര്‍ത്തു. പ്രധാനമന്ത്രി നരേന്ദ്ര മോദിയും മുഖ്യമന്ത്രി പിണറായി വിജയനും തമ്മിലുള്ള കൂടിക്കാഴ്ചയ്ക്കുശേഷം പുറത്തിറക്കിയ പ്രസ്താവനയിലാണ് കുമ്മനം ഇക്കാര്യം വ്യക്തമാക്കിയത്. വാജ്‌പേയി പ്രധാനമന്തിയായപ്പോള്‍ അന്നത്തെ മുഖ്യമന്ത്രി കാണാന്‍ കൂട്ടാക്കിയില്ല. പ്രധാനമന്ത്രിയായ ശേഷം വാജ്‌പേയി കേരളത്തിലെത്തിയപ്പോള്‍ സ്വീകരിക്കാന്‍ പോകാനുള്ള മര്യാദപോലും ഇ.കെ നായനാര്‍ കാണിച്ചില്ല എന്നതും ഓര്‍ക്കണമെന്നും കുമ്മനം പറഞ്ഞു.



https://www.facebook.com/Malayalivartha