ശോഭ സുരേന്ദ്രന് ജില്ലാക്കമ്മിറ്റിയില് വിമര്ശനം
തിരഞ്ഞെടുപ്പ് അവലോകത്തിനു ചേര്ന്ന ബി ജെ പി പാലക്കാടു ജില്ലാക്കംമിറ്റിയിലാണ് വിമര്ശനം. ബിജെപി സംസ്ഥാന അധ്യക്ഷന് കുമ്മനം രാജശേഖരന്റെ സാന്നിധ്യത്തില് കൂടിയ ജില്ലാക്കമ്മിറ്റിയില് ഭൂരി ഭാഗവും ശോഭ സുരേന്ദ്രനെതിരെ നടപടി വേണമെന്ന ആവശ്യം ഉന്നയിച്ചു.
തിരഞ്ഞെടുപ്പിന് മുന്പ് തന്നെ തോല്പ്പിക്കാന് പാര്ട്ടിയിലെ ചില നേതാക്കള് ശ്രമിക്കുന്നു എന്ന് ശോഭ സുരേന്ദ്രന് പാര്ട്ടി കമ്മിറ്റിയില് പറഞ്ഞതോടെയാണ് വിവാദത്തിനു തുടക്കമായത്. പാര്ട്ടി വേദിയില് പറഞ്ഞത് മാധ്യമങ്ങള്ക്ക് ചോര്ത്തിയതിലൂടെ പാലക്കാട്ടെ പ്രവര്ത്തകരുടെ മനോവീര്യം ഇല്ലാതാക്കിയതയും കമ്മിറ്റിയില് ആരോപിച്ചു. പാര്ട്ടി സംസ്ഥാന സെക്രട്ടറി സി.കൃഷ്ണകുമാര് പ്രവര്ത്തകരെ മലമ്പുഴയിലേക്ക് മാറ്റിയെന്ന ആരോപണം ശരിയല്ലെന്ന് മലമ്പുഴ മണ്ഡലത്തിലെ ഭാരവാഹികള് പറഞ്ഞു. തോല്പിക്കാനായി ഒരു ശ്രമവും ആരും നടത്തിയിട്ടില്ലന്നും കമ്മിറ്റി അംഗങ്ങള് അറിയിച്ചു.
ബിജെപി സംസ്ഥാന അധ്യക്ഷന് കുമ്മനം രാജശേഖരന് പാര്ട്ടി നിലപാട് വ്യക്തമാക്കി. വിഷയത്തില് നേരത്തെ തന്നെ ശോഭാ സുരേന്ദ്രനോട് വിശദീകരണം ആവശ്യപ്പെട്ടിട്ടുണ്ടെന്നും കുമ്മനം യോഗത്തില് പറഞ്ഞു. പാര്ട്ടിയില് ചേരി തിരിവ് പാടില്ല പ്രവര്ത്തകരുടെ വികാരം മനസിലാക്കുന്നുണ്ടെന്നും കുമ്മനം കൂട്ടിച്ചേര്ത്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
