അനുപമക്ക് ആണ്കുട്ടി
അനുപമക്ക് ആണ്കുട്ടി പിറന്നു..പ്രസവിക്കാന് പോലും അധികം ലീവെടുക്കാതെ അനുപമ വീണ്ടും താരമായി. ഇനി ചെറിയ വിശ്രമം..നമുക്കു വിഷമില്ലാത്ത ഭക്ഷണം തരാനുള്ള പോരാട്ടത്തില് നിന്ന് അനുപമ ചെറിയൊരു ബ്രേക്കെടുത്തപ്പോള് പലരും ചോദിച്ചു 'നമ്മുടെ അനുപമ എവിടെപ്പോയി?' . ആ ബ്രേക്കിനുള്ള കാരണം
കഴിഞ്ഞയാഴ്ച ഒരാണ്കുഞ്ഞിനു ജന്മമേകി ടി.വി. അനുപമ അങ്ങനെ അമ്മയായി. കഴിഞ്ഞ 21നായിരുന്നു അനുപമയുടെയും ഭര്ത്താവ് ക്ലിന്സന്റെയും ജീവിത്തിലേക്ക് അയാന് ക്ലിന്സന് എത്തിയത്. അയാന് എന്നാല് ദൈവത്തിന്റെദാനം. ഭര്ത്താവ് കിന്സന്റെ പേരും കൂട്ടിച്ചേര്ത്താണ് മകന് അയാന് ക്ലിന്സന് എന്ന പേരു നല്കിയത്. സ്വദേശമായ മഞ്ചേരിയില് അമ്മയും അച്ഛനും മകനും സുഖമായിരിക്കുന്നു.
അനുപമ ഫെയ്സ്ബുക്കില് ഇല്ലാത്തതിനാല് കുടുംബത്തിന്റെ സന്തോഷത്തിന് ബന്ധുക്കളും സുഹൃത്തുക്കളും നേരിട്ടു കൈമാറിയതല്ലാതെ അധികം ലൈക്കും കമന്റും കിട്ടിയിട്ടില്ല. അയാനെ വയറില് ചുമന്ന് പ്രസവത്തിനു രണ്ടാഴ്ച മുന്പു വരെ കര്മനിരതയായിരുന്നു ഭക്ഷ്യ സുരക്ഷാ കമ്മിഷണര് എന്ന സ്ഥാനത്തിനു പുറമെ ടൂറിസം ഡയറക്ടറുടെ ചുമതല കൂടി ചുമതല വഹിക്കുന്ന അനുപമ. മേയ് ഏഴിനാണ് അവധിയെടുത്തു അമ്മയുടെ പരിചരണം തേടി മഞ്ചേരിയിലെ കുടുംബവീട്ടിലെത്തിയത്. പ്രതീക്ഷിച്ചതിനു 12 ദിവസം മുന്പ് അയാന് വന്നു. ഇനി അഞ്ചു മാസം കഴിഞ്ഞേ അനുപമ തിരികെ ചുമതലയേല്ക്കൂ. പഴയ സര്ക്കാരിന്റെ കാലത്ത് അവധിയില് പോയ അനുപമയ്ക്ക് പുതിയ സര്ക്കാര് പഴയ ചുമതല തന്നെ നല്കുമോ മാറ്റി നിയമിക്കുമോ എന്നതു കാത്തിരുന്നു കാണേണ്ട സസ്പെന്സ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
