കലാഭവന്‍ മണിയുടെ മരണവുമായി ബന്ധപ്പെട്ട് ആരോപണങ്ങളിലേയ്ക്ക് വലിച്ചിഴക്കപ്പെട്ട തരികിട സാബു ആര്‍എല്‍വി രാമകൃഷ്ണനോട് ചില ചോദ്യങ്ങളുമായി രംഗത്ത്. രണ്ടുമാസമായി ചേട്ടന്‍ വീട്ടില്‍ വന്നിട്ടില്ലെന്ന് പറയുന്ന രാമകൃഷ്ണന്‍ എന്തുകൊണ്ട് മണി ചേട്ടനെ ഇത്രനാള്‍ അങ്ങോട്ട് അന്വേഷിച്ച് ചെന്നില്ല ? അത് തുറന്ന് പറയാന്‍ രാമകൃഷ്ണന്‍ തയ്യാറാകണം.

കൂട്ടുകാര്‍ കുടിപ്പിച്ച് കൊന്നു എന്ന് അദ്ദേഹം ആരോപിക്കുന്നുണ്ട്. രാമകൃഷ്ണന്‍ എന്തുകൊണ്ട് ഇക്കാര്യത്തില്‍ അന്ന് ഇടപെട്ടില്ല. പാടിയില്‍ മണിച്ചേട്ടന്‍ ഉണ്ടെന്നും അവിടെ പാര്‍ട്ടി നടക്കുന്നുവെന്നും അറിയാവുന്ന ആള്‍ അങ്ങോട്ട് എത്തി നോക്കിയിട്ടു പോലുമില്ല. മണിച്ചേട്ടന്റെ മരണ സമയത്ത് പ്രചരിച്ച ചില വാട്ട്‌സാപ്പ് സന്ദേശങ്ങളുടെ അടിസ്ഥാനത്തില്‍ അന്ന് തനിക്കെതിരെ രാമകൃഷ്ണന്‍ രംഗത്തെത്തിയിരുന്നു.

എന്നാല്‍ അതൊരു സഹോദരന്റെ വേര്‍പാടിലുണ്ടായ വേദന മൂലം പറയുന്ന കാര്യങ്ങളാണെന്നേ താന്‍ ചിന്തിച്ചിരുന്നുള്ളൂ. ആരോടും ഒരു പരാതിയും പറഞ്ഞുമില്ല. എന്നാല്‍ വീണ്ടും തന്റെ പേര് രാമകൃഷ്ണന്‍ വലിച്ചിഴയ്ക്കുന്നുണ്ടെങ്കില്‍ അത് മറ്റെന്തൊക്കെയോ മറയ്ക്കാന്‍ തന്നെയാണന്നും സാബു പറഞ്ഞു. പിന്നെ താനൊരു പച്ചയായ മനുഷ്യനാണ്.

മനുഷ്യനെ മാനസികമായി തകര്‍ക്കുന്ന വാര്‍ത്ത കേട്ടാല്‍ ഇങ്ങനെയായിരിക്കും തന്റെ പ്രതികരണം. പുളിച്ച തെറി തന്നെ തിരിച്ചു പറയും. അതൊരു ആത്മരോഷം കൊണ്ട് പറഞ്ഞുപോയതാണ്. അത് തെറ്റാണെന്ന് മനസ്സിലാക്കി തിരുത്തുകയും ചെയ്തു എന്നും സാബു പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha