കേരളത്തില്‍ വാഹനാപകടങ്ങള്‍ വര്‍ദ്ധിച്ച് വരുന്ന അവസ്ഥയാണ് ഇന്നുള്ളത്. പ്രത്യേകിച്ചും മഴക്കാലത്തും. മഴക്കാലം അടുത്തെത്തിയതോടെ വാഹനാപകടങ്ങള്‍ കുറയ്ക്കുന്നതിന് ഓപ്പറേഷന്‍ റെയിന്‍ബോയുമായി പോലീസ്. മഴക്കാലത്ത് വാഹനാപടകടങ്ങള്‍ കുറയ്ക്കുക, ഗതാഗതം സുഗമമാക്കുക തുടങ്ങിയ ലക്ഷ്യങ്ങളോടെയാണ് ഓപ്പറേഷന്‍ റെയിന്‍ബോ പദ്ധതി നടപ്പിലാക്കുന്നത്.
കാസര്‍ഗോഡ് മുതല്‍ തൃശൂര്‍ വരെയുള്ള ജില്ലകളിലെ വാഹനങ്ങള്‍ പത്ത് ദിവസത്തിനുള്ളില്‍ പരിശോധിച്ച് ഫിറ്റ്‌നസ് ഉറപ്പ് വരുത്തുന്നതാണ് പദ്ധതി. പദ്ധതിയുടെ ഭാഗമായി വാഹനങ്ങള്‍ പരിശോധിച്ച് പ്രശ്‌നങ്ങള്‍ പരിഹരിക്കാന്‍ നോട്ടീസ് നല്‍കും. പത്ത് ദിവസത്തിനകം പ്രശ്‌നങ്ങള്‍ പരിഹരിക്കാത്തവര്‍ക്കെതിരെ നടപടിയെടുക്കുമെന്നും ഉത്തരമേഖല എഡിജിപി നിഥിന്‍ അഗര്‍വാള്‍ പറഞ്ഞതായി റിപ്പോര്‍ട്ടുകള്‍ പറയുന്നു.
ബസുകളിലെ ടയര്‍, വൈപ്പര്‍ റൂഫ്, സൈഡ് വിന്‍ഡോസ് എന്നിവ പരിശോധിച്ച് സുരക്ഷ ഉറപ്പാക്കും. സ്വകാര്യ വാഹനങ്ങള്‍ മഴക്കാലത്ത് ഓടുന്നതിന് അനുയോജ്യമാണോ എന്ന് പരിശോധിക്കും. വിദ്യാര്‍ത്ഥികളുടെ സുരക്ഷ ഉറപ്പു വരുത്തുന്നതിനും നടപടികള്‍ സ്വീകരിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha