മുന്‍ മന്ത്രിയും മുന്‍ സ്പീക്കറുമായിരുന്ന ടി. എസ്. ജോണ്‍ അന്തരിച്ചു. ചേര്‍ത്തലയിലെ സ്വകാര്യ ആശുപത്രിയിലായിരുന്നു അന്ത്യം. വാര്‍ധക്യ സഹജമായ അസുഖം മൂലം ഏറെനാളായി കിടപ്പിലായിരുന്നു അദ്ദേഹം. ഏലിക്കുട്ടിയാണ് ഭാര്യ.

കേരള കോണ്‍ഗ്രസ് സ്ഥാപക നേതാക്കളില്‍ ഒരാളായ ടി.എസ്. ജോണ്‍ കല്ലൂപ്പാറ മണ്ഡലത്തില്‍ നിന്ന് നാല് തവണ നിയമസഭയിലെത്തി. 1976-77 കാലത്ത് ഒരു വര്‍ഷം സ്പീക്കറായിരുന്നു. 1978 ഒക്‌ടോബറില്‍ എ.കെ. ആന്റണി മന്ത്രിസഭയിലും തുടര്‍ന്നുള്ള പി.കെ. വാസുദേവന്‍നായര്‍ മന്ത്രിസഭയിലും അദ്ദേഹം ഭക്ഷ്യസിവില്‍ സപ്ലൈസ് മന്ത്രിയായിരുന്നു.
എസ്ബി കോളജിലെ പഠന കാലത്ത് വിദ്യാര്‍ഥി പ്രസ്ഥാനങ്ങളിലെ സജീവ പ്രവര്‍ത്തകനായിരുന്ന ടി.എസ്. ജോണ്‍. കേരള കോണ്‍ഗ്രസിലെ പിളര്‍പ്പിന് ശേഷം ജോസഫ് ഗ്രൂപ്പിനൊപ്പം പ്രവര്‍ത്തിച്ചു. പി.സി. ജോര്‍ജിനൊപ്പം കേരള കോണ്‍ഗ്രസ് സെക്കുലര്‍ ഗ്രൂപ്പ് ഉണ്ടാക്കിയപ്പോള്‍ അതിന്റെ ചെയര്‍മാനായി. പിന്നീട് ജോര്‍ജുമായി തെറ്റിപ്പിരിയുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha