ലോകനാഥ് ബെഹ്‌റ ഡിജിപിയായി അധികാരത്തിലേറിയ അന്നു മുതല്‍ എല്ലാരും കൂടി അദ്ദേഹത്തെ ട്രോളുകയായിരുന്നു. കണ്ടാല്‍ പാഷാണം ഷാജിയെ പോലെ ആണ്. ഇങ്ങേരുടെ സ്വഭാവം എന്തായിരിക്കും എന്നൊക്കെ ? അദ്ദേഹം ജിഷയുടെ വീട്ടില്‍ ഒറ്റയ്‌ക്കെത്തി പരിശോധന നടത്തിയതിനെയും മൊബൈലില്‍ ചിത്രങ്ങളെടുത്തതിനെയും വരെ വിമര്‍ശിച്ചവരുണ്ട്. എന്നാല്‍ അധികാരത്തിലെത്തി രണ്ടാഴ്ചയ്ക്കുള്ളില്‍ ഏറെ കോളിളക്കമുണ്ടാക്കിയ കേസിലെ പ്രതിയെ എല്ലാ വെല്ലുവിളികളെയും തരണം ചെയ്ത് വലയിലാക്കിയതോടെ പാഷാണമല്ല പുലിയാണ് ബെഹ്‌റ എന്ന് വിമര്‍ശിച്ചവരൊക്കെ പറഞ്ഞു തുടങ്ങി.
പ്രത്യേക അന്വേഷണ സംഘം കുറ്റവാളിയെ കണ്ടു പിടിച്ചതില്‍ ഡിജിപിക്ക് എന്താ റോള്‍ എന്ന് ചിലര്‍ ചോദിച്ചേക്കാം ? എന്നാല്‍ പ്രതിയെ പിടികൂടാന്‍ ഏറെ സഹായിച്ച ചെരുപ്പ് കേസിലെ പ്രധാന തെളിവാണ് എന്ന് കണ്ടെത്തി പരിശോധയ്ക്കയച്ചത് ബെഹ്‌റയാണ്. കേസ് വഴി തെറ്റിച്ചു വിടാന്‍ രണ്ടു ചെരുപ്പും ഊരി വച്ചതാണെന്ന ക്ലീഷെ കണ്ടു പിടുത്തത്തിലേക്ക് പോകാതെ കനാലില്‍ കൂടി പ്രതി രക്ഷപെടാനുള്ള സാധ്യത മനസ്സിലാക്കിയ ബെഹ്‌റ താന്‍ യഥാര്‍ത്ഥ സേതുരാമയ്യരാണെന്ന് തെളിയിച്ചു.
പിന്നാലെ അത്തരം ചെരുപ്പുകള്‍ അന്യസംസ്ഥാന തൊഴിലാളികളാണ് ധരിക്കുന്നതെന്ന് കണ്ടെത്തിയ പൊലീസ് ചെരുപ്പിലെ സിമന്റ് പോടി കൂടി കണ്ടതോടെ കുറ്റവാളി നിര്‍മാണ മേഖലയിലെ തൊഴിലാളിയാകുമെന്നും ഉറപ്പിച്ചു. ആ ചെരുപ്പ് വാങ്ങിയ കടയുടെ ഉടമയുടെ മൊഴിയും സഹായകമായി. ഏറെ കോളിളക്കം സൃഷ്ടിച്ച കേസിലെ പ്രതി രണ്ടു മാസങ്ങള്‍ക്കുള്ളില്‍ പിടിയിലായപ്പോള്‍ അതു വരെ പഴി ചാരിയ പോലീസിനെ അഭിനന്ദിക്കാന്‍ മത്സരിക്കുകയാണ് എല്ലാവരും. ഒപ്പം ഡിജിപിയെയും. പൊലീസിന്റെ കാര്യക്ഷമതയെ അംഗീകരിക്കുന്നവര്‍ക്ക് പോലുമറിയില്ല എത്ര സങ്കീര്‍ണതകള്‍ക്കൊടുവിലാണ് യഥാര്‍ത്ഥ പ്രതി പിടിയിലായതെന്ന്. കുറ്റാന്വേഷണ സിനിമകള്‍ കാണുമ്പോള്‍ ലോജിക്കല്‍ സംശയങ്ങളുന്നയിക്കുന്നവര്‍ക്ക് ജിഷ കേസിലെ പല തുമ്പുകളും ലഭിച്ച വഴികളറിഞ്ഞാല്‍ അവിശ്വസനീയം എന്നേ പറയൂ.
ഏതായാലും ഇതോടെ ലോക്‌നാഥ് ബെഹ്‌റയ്ക്ക് താരപരിവേഷമാണ് കൈവരിക എന്ന കാര്യത്തില്‍ തര്‍ക്കമില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha