ബി.ജെ.പി കൗണ്‍സിലര്‍ കോകിലയെ ഇടിച്ച കാര്‍ കണ്ടെത്തി, രണ്ടു പേര്‍ പോലീസ് പിടിയിലായി
കൊല്ലം കോര്‍പറേഷനിലെ ബി.ജെ.പി കൗണ്‍സിലര്‍ കോകില എസ്. കുമാറും അച്ഛന്‍ സുനില്‍കുമാറും കാറിടിച്ച് മരിച്ച സംഭവത്തില്‍ അപകടത്തിനിടയാക്കിയ കാര്‍ പോലീസ് കണ്ടെത്തി. കാര്‍ ഓടിച്ചിരുന്ന രണ്ടു പേര്‍ പോലീയ് പിടിയിലായി. ജിറ്റു എന്ന സച്ചിന്‍, രാജേഷ് എന്നിവരാണ് പിടിയിലായത്. കാര്‍ ജിറ്റുവിന്റെ വീട്ടില്‍ ഒളിപ്പിച്ചിരിക്കുകയായിരുന്നു.
കൊല്ലം വെസ്റ്റ് സി.ഐയുടെ നേതൃത്വത്തിലുള്ള സംഘമാണ് ഇവരെ കസ്റ്റഡിയിലെടുത്തത്.സെപ്തംബര്‍13ന് ശക്തികുളങ്ങര ഭാഗത്ത് ഓണാഘോഷപരിപാടിയില്‍ പങ്കെടുത്തശേഷം രാത്രി വീട്ടിലേയ്ക്ക് സ്‌കൂട്ടറില്‍ മടങ്ങുന്ന വഴി ദേശീയപാതയില്‍ കാവനാട് ജങ്ഷനടുത്തുവച്ച് അമിതവേഗതയില്‍ വന്ന കാറിടിക്കുകയായിരുന്നു.
അപകടമുണ്ടാക്കിയ കാര്‍ നിര്‍ത്താതെ പോയി. കോകില സംഭവസ്ഥലത്തുവെച്ചും സുനില്‍കുമാര്‍ ബുധനാഴ്ച രാവിലെ സ്വകാര്യ ആശുപത്രിയില്‍വെച്ചും മരിക്കുകയായിരുന്നു.
കൊല്ലം കോര്‍പ്പറേഷനിലെ 55 കൗണ്‍സിലര്‍മാരില്‍ ഏറ്റവും പ്രായം കുറഞ്ഞയാളായിരുന്നു ഇരുപത്തിമൂന്നുകാരിയായ കോകില. കൊല്ലം കോര്‍പ്പറേഷനില്‍ ആദ്യമായി ബിജെപിക്ക് അക്കൗണ്ട് തുറന്ന രണ്ട് കൗണ്‍സിലര്‍മാരില്‍ ഒരാളായിരുന്നു കോകില.
https://www.facebook.com/Malayalivartha
