കുരിശ് പൊളിച്ച വ്യാഴാഴ്ച ഉച്ചയ്ക്ക് ബിഷപ്പ് ജോര്‍ജ് ആലഞ്ചേരി തന്റെ ആശങ്ക മുഖ്യമന്ത്രിയെ അറിയിച്ചു എന്നാണ് വിവരം. മുഖ്യമന്ത്രി താന്‍ ഇക്കാര്യം അറിഞ്ഞിട്ടില്ലെന്ന് പിതാവിനെ അറിയിച്ചു. തുടര്‍ന്ന് ഇടുക്കി കളക്ടറെ ഫോണില്‍ വിളിച്ച മുഖ്യമന്ത്രി അദ്ദേഹത്തെ ശാസിച്ചു. സബ് കളക്ടറാണ് സംഭവത്തിന് ഉത്തരവാദിയെന്ന് കളക്ടര്‍ മുഖ്യമന്ത്രിയെ അറിയിച്ചെന്നാണ് വിവരം. റവന്യുമന്ത്രിയെ മുഖ്യമന്ത്രി വിളിച്ചില്ല.

കുരിശ് മണ്‍വെട്ടി ഉപയോഗിച്ച് വെട്ടിപൊളിക്കുന്ന രംഗം മുഖ്യമന്ത്രിയെ വേദനിപ്പിച്ചു എന്നാണ് വിവരം. റവന്യം വകുപ്പ് സി പി എമ്മിന്റെ കൈയിലായിരുന്നെങ്കില്‍ സബ് കളക്ടറെ സസ്‌പെന്റ് ചെയ്‌തേനെ. മൂന്നാര്‍ ഒഴിപ്പിക്കല്‍ സര്‍ക്കാരിനും പാര്‍ട്ടിക്കും കൂടുതല്‍ ശത്രുക്കളെ സമ്മാനിച്ചു എന്ന വിലയിരുത്തലില്‍ തന്നെയാണ് സര്‍ക്കാരും പാര്‍ട്ടിയും നീങ്ങുന്നത്. വി എസിന്റെ കാലത്തും ഇതു തന്നെയാണ് സംഭവിച്ചത്. പള്ളിക്കാരും പട്ടക്കാരും ശത്രുക്കളായാല്‍ വോട്ടു ബാങ്കിനെ ബാധിക്കും. സി പി ഐ ക്ക് ഇത്തരം ചിന്തകളില്‍ കാര്യമില്ല. അവര്‍ തങ്ങളുടെ തണലില്‍ ജയിക്കുന്നവരാണെന്നും സി പി എം വിശ്വസിക്കുന്നു.

െ്രെകസ്തവര്‍ ആയതിനാല്‍ ക്ഷമിച്ചു എന്നാണ് സി പി എം കരുതുന്നത്. ഹൈന്ദവരോ ഇസ്ലാം മതവിശ്വാസികളോ ആയിരുന്നെങ്കില്‍ കാണാമായിരുന്നു എന്നും സര്‍ക്കാര്‍ ആശങ്കപ്പെടുന്നു. മൂന്നാര്‍ ഒഴിപ്പിക്കല്‍ ഇടുക്കിയില്‍ സി പി എമ്മിന് വന്‍ തിരിച്ചടി നല്‍കുമെന്നും പാര്‍ട്ടി കരുതുന്നു. പാര്‍ലെമെന്റ് തെരഞ്ഞടുപ്പും തദ്ദേശസ്ഥാപനങ്ങളിലേക്കുള്ള തെരഞ്ഞടുപ്പും വരാന്‍ പോകുന്നു. യു സി എഫിന്റെ ഉറച്ച കോട്ടയായ ഇടുക്കിയില്‍ താങ്കള്‍ തഴയപ്പെടുമോ എന്ന ആശങ്ക സി പി എം നന്നായി അനുഭവിക്കുന്നുണ്ട്.