ജ്യോതിഷിയുടെ മുന്നറിയിപ്പ് ദിലീപ് അവഗണിച്ചതിനാൽ സര്‍വ്വ നാശം വന്നിരിക്കുന്നു. ഈ വിവാഹം നടത്താന്‍ പറ്റിയ സമയം അല്ലിത്. സര്‍വ്വ നാശം വരെയുണ്ടാകാം. ശത്രുക്കള്‍ പിന്നാലെയുണ്ട്. ദിലീപ്ന്റെ ആലുവക്കാരനായ സ്ഥിരം ജ്യോതിഷിയുടെ മുന്നറിയിപ്പായിരുന്നു ഇത്. ആലുവ ദേശത്ത് ദിലീപിന്റെ നാട്ടുകാരനായ ജ്യോതിഷിയായിരുന്നു പലപ്പോഴും താരത്തിന്റെ ഭാവി പ്രവചിച്ചിരുന്നത്. കഴിഞ്ഞ ജനുവരിയില്‍ കാവ്യയുമായുള്ള വിവാഹത്തിനുള്ള ആലോചനകള്‍ തുടങ്ങിയിരുന്നു. അന്ന് ഇതേ ജ്യോതിഷന്റെ അടുത്ത് ദിലീപ് എത്തിയിരുന്നു.

വിവാഹത്തിനു പറ്റിയ സമയമല്ലെന്നും ശത്രുക്കള്‍ പിന്നാലെയുണ്ടെന്നും പറഞ്ഞ് ജ്യോതിഷി താരത്തെ മടക്കി അയച്ചതായി റിപ്പോര്‍ട്ട്. കാവ്യയുമായുള്ള വിവാഹത്തിനു തൊട്ടുമുൻപ് ദിലീപ് വീണ്ടും ഭാവി നോക്കാന്‍ സമീപിച്ചിരുന്നു. അപ്പോഴും ജ്യോതിഷിയുടെ പ്രവചനത്തില്‍ മാറ്റമില്ലായിരുന്നു. വിവാഹം നീട്ടിവയ്ക്കാനാകില്ലെന്ന് ദിലീപ് വാശിപിടിച്ചു. വിഘ്നങ്ങള്‍ പറഞ്ഞാല്‍ ആയത് മാറ്റി കാര്യങ്ങള്‍ നേരെയാക്കാം എന്നും ദിലീപ് പറഞ്ഞു.

ഒടുവില്‍ ചില പ്രതിവിധികള്‍ ജ്യോതിഷി നിര്‍ദേശിച്ചു. അതിലൊന്ന് ആലുവ മണപ്പുറത്തിനു സമീപമുള്ള ദിലീപിന്റെ പത്മസരോവരം എന്ന വീടിന്റെ ഒരു ഭാഗം പൊളിക്കുകയായിരുന്നു. രണ്ടുവര്‍ഷം മുമ്ബ് പുതുക്കിപണിത വീടിന്റെ വലതുവശം പൊളിച്ചശേഷമായിരുന്നു കാവ്യയുമായുള്ള കല്യാണം. ഈ വീട്ടിലേക്കാണ് കാവ്യ വലതുകാലെടുത്തവച്ചതും. എന്നാല്‍ ഇപ്പോള്‍ ഇതാ വീട്ടുമുറ്റത്തുള്ള ജയിലില്‍ തന്നെ ദിലീപ് എത്തപ്പെട്ടു.

ദിലീപിന്റെ വീട്ടില്‍ നിന്ന് ഒരു കിലോമീറ്റര്‍ ദൂരമേയുള്ളൂ സബ് ജയിലിലേക്ക്. പെരിയാര്‍ തീരത്തു ശിവരാത്രി ആഘോഷം നടക്കുന്ന മണപ്പുറത്തിന് അഭിമുഖമായാണു ദിലീപിന്റെ പത്മസരോവരം എന്ന വീട്. പന്ത്രണ്ടു വര്‍ഷം മുന്‍പ് നടനെന്ന നിലയില്‍ പ്രശസ്തനായ ശേഷമാണ് ഇവിടെ വീടും സ്ഥലവും വാങ്ങിയത്. രണ്ടു വര്‍ഷം മുന്‍പ് പഴയ വീടു പൂര്‍ണമായും പൊളിച്ചുനീക്കി പുതിയതു നിര്‍മിച്ചു.

ദേശത്താണ് ദിലീപ് ജനിച്ചുവളര്‍ന്ന തറവാട്ടു വീട്. സിനിമയില്‍ എത്തിയ ശേഷം പറവൂര്‍ കവല വിഐപി ലെയ്നില്‍ വീടു വാങ്ങി പുനര്‍നിര്‍മിച്ചു. മഞ്ജു വാര്യരെ വിവാഹം കഴിച്ചുകൊണ്ടുവന്നത് ഈ വീട്ടിലേക്കാണ്. ദിലീപിന്റെ സഹോദരന്‍ അനൂപും കുടുംബവുമാണ് ഇപ്പോള്‍ അവിടെ താമസം.