ദിലീപിന്റെ അറസ്‌റ്റോടെ പ്രതിസന്ധിയിലായിരിക്കുകയാണ് താരസംഘടനയായ അമ്മ. സംഘടനയുടെ നേതൃസ്ഥാനത്തുള്ളവര്‍ വരെ ഇതിന് വിമര്‍ശനം ഏറ്റുവാങ്ങിക്കൊണ്ടിരിക്കുകയാണ്. താരസംഘടനയുടെ നേതൃസ്ഥാനത്തേക്ക് പുതുതലമുറ എത്തണമെന്ന് ആവശ്യവുമായി സ്ഥാപക സെക്രട്ടറി ടി.പി. മാധവന്‍. ഒരു മാധ്യമത്തിന് നല്‍കിയ അഭിമുഖത്തിലാണ് അദ്ദേഹം വ്യക്തമാക്കിയത്. 
80 പേരുമായാണ് സംഘടന തുടങ്ങിയത് മോഹന്‍ലാല്‍ ഇതിന് ചുക്കാന്‍ പിടിച്ചതെന്നും അദ്ദേഹം പറഞ്ഞു. പിന്നീട് ഫണ്ട് ശേഖരണാര്‍ത്ഥം നിരവധി ഷോകള്‍ നടത്തിയെന്നും അദ്ദേഹം വിശദീകരിച്ചു. പിന്നീടാണ് ദിലീപ് ഇതിലേക്ക് കടന്നുവന്നത്. ട്വന്റി ട്വന്റി എന്ന ചിത്രത്തെക്കുറിച്ചുള്ള ആശയം ഉദിച്ചത്. ഇതോടെ സംഘടനയില്‍ ഒരു സ്ഥാനം ദിലീപ് ഉറപ്പിച്ചതായും അദ്ദേഹം പറഞ്ഞു. 
ലക്ഷ്യത്തിലെത്താന്‍ എന്തു മാര്‍ഗവും സ്വീകരിക്കാന്‍ തയ്യാറാകുന്ന ആളാണ് ദിലീപെന്നും മുന്‍ സെക്രട്ടറി പറഞ്ഞു. എന്തു പ്രശ്‌നമായാലും ഇത്തരം ഒരു മനസുണ്ടാകുമെന്ന് കരുതിയില്ലെന്നും അദ്ദേഹം പറഞ്ഞു. എന്നാല്‍ തിലകന്‍ പ്രശ്‌നത്തില്‍ ദിലീപ് നിരപരാധിയാണെന്നും അദ്ദേഹം പറഞ്ഞു.