തച്ചങ്കരിക്കുമേല് നിയന്ത്രണങ്ങളുമായി ഹൈക്കോടതി... ടോമിന് ജെ. തച്ചങ്കരിയ്ക്കു ക്രമസമാധാന ഭരണനിര്വ്വഹണചുമതലകള് നല്കരുതെന്ന് ഹൈക്കോടതിയുടെ കര്ശ്ശന നിര്ദ്ദേശം
നിലവില് പോലീസ് ആസ്ഥാനത്തെ ഭരണകാര്യ ക്രമസമാധാന ചുമതലവഹിക്കുന എഡിജിപി: ടോമിന് ജെ. തച്ചങ്കരിയെ ക്രമസമാധാനം, ഭരണനിര്വഹണം എന്നീ ചുമതലകളില് നിയമിക്കരുതെന്ന് ഹൈക്കോടതിനിര്ദ്ദേശം. ഉദ്യോഗസ്ഥ നിയമനം സര്ക്കാരിന്റെ വിവേചനപരമായ അധികാരമാണെന്ന സര്ക്കാര് വാദം കോടതി അംഗീകരിച്ചില്ല. നിയമനം നടത്തുമ്പോള് പൊതുതാല്പര്യം, ഉദ്യോഗസ്ഥരുടെ സംശുദ്ധി ഇവയെല്ലാം പരിഗണിക്കണമെന്ന് കോടതി ഓര്മിപ്പിച്ചു.
തച്ചങ്കരി ഗതാഗത കമ്മിഷണറായിരുന്ന കാലത്ത് മോട്ടോര് വാഹനവകുപ്പില് യോഗ്യതയില്ലാത്തയാളെ നിയോഗിച്ചതുമായി ബന്ധപ്പെട്ട് സമഗ്രമായ അന്വേഷണം വേണം എന്ന് കോടതി ആവശ്യപ്പെട്ടു . ഈ വിഷയത്തില് വിജിലന്സിന്റെ ദ്രുതപരിശോധനാ റിപ്പോര്ട്ട് ഹാജരാക്കാത്തതില് ഹൈക്കോടതി അതൃപ്തി രേഖപ്പെടുത്തി. പൊലീസ് ആസ്ഥാനത്തെ തച്ചങ്കരിയുടെ നിയമനം ചോദ്യം ചെയ്തുള്ള ഹര്ജിയിലാണ് വിശദീകരണം. ഇത് ആദ്യമായല്ല തച്ചങ്കരിക്കുനേരെ കോടതി പരാമര്ശം ഉണ്ടാകുന്നത് .
https://www.facebook.com/Malayalivartha
