ഒരു മനുഷ്യന് ഏറ്റവും വേണ്ടതെന്തെന്നു ചോദിച്ചാല്‍ മറ്റ് പലതുമാണെന്ന് പറയുമെങ്കിലും വിശക്കുന്നവന്റെ മുമ്പില്‍ ഭക്ഷണം ദൈവം പോലെയാണ്. അപ്പോഴാണ് ഭക്ഷണത്തിന്റെ യഥാര്‍ത്ഥ വിലയും രുചിയുമറിയുന്നത്. അതേ അവസ്ഥയിലായിരുന്നു ദിലീപ്. രാജകീയ സുഖത്തില്‍ മതിമറന്ന് കഴിഞ്ഞ ദിലീപിന് അവസാനം പട്ടിണി കടക്കേണ്ടി വന്നു. 

അങ്കമാലി കോടതിയില്‍ നിന്ന് ആലുവ സബ് ജയിലിലെത്തിച്ച ദിലീപിനാണ് ഭക്ഷണമില്ലാത്ത രാത്രി സമ്മാനിച്ചത്. മജിസ്‌ടേറ്റ് കോടതിയില്‍ ഹാജരാക്കിയശേഷം ശനിയാഴ്ച വൈകിട്ട് 5.35 നാണ് ദിലീപിനെ ആലുവ സബ്്ജയിലില്‍ എത്തിച്ചത്. 

ജയിലില്‍ നാലിനും അഞ്ചിനും ഇടയിലാണ് രാത്രി ഭക്ഷണം വിതരണം ചെയ്യുന്നത്. ആ സമയത്ത് രജിസ്റ്ററില്‍ പേരുള്ളവര്‍ക്കേ ഭക്ഷണം നല്‍കുകയുള്ളൂ. പിന്നീട് ആരു വന്നാലും ഭക്ഷണം നല്‍കുന്ന പതിവ് സബ് ജയിലിലില്ല. തടവുകാരില്‍ ആരെങ്കിലും ഭക്ഷണം വാങ്ങി വച്ച ശേഷം കഴിക്കാതെ പങ്കു വച്ചെങ്കില്‍ മാത്രമാണ് വൈകിയെത്തുന്ന തടവുകാരിന് ഭക്ഷണം ലഭിക്കുകയൂള്ളൂ. ഇതേ രീതിയില്‍ തടവുകാരന് തടവുകാരിലൊരാള്‍ ഭക്ഷണം ദിലീപിന് നല്‍കിയെങ്കിലും വാങ്ങാന്‍ കൂട്ടാക്കിയില്ല. തടവുകാര്‍ക്ക് ആട്ടിറച്ചി വിളമ്പുന്ന ദിവസമായിരുന്നു ശനിയാഴ്ച.

ചോദ്യം ചെയ്യാനായി പോലീസ് കസ്റ്റഡിയില്‍ വാങ്ങിയപ്പോള്‍ ദിലീപിന് പോലീസ് ക്ലബ്ബില്‍ വച്ച് ഭക്ഷണം നല്‍കിയിരുന്നു. പുറത്തെ ഹോട്ടലുകളില്‍ നിന്ന് വാങ്ങിയാണ് പോലീസ് ഭക്ഷണമെത്തിപ്പിച്ചിരുന്നത്. തെളിവെടുപ്പിനു കൊണ്ടു പോയപ്പോള്‍ മാധ്യമങ്ങളും ആരാധകരും വളയുമെന്ന് അറിയാവുന്നതു കൊണ്ട് പോലീസ് കാവലില്‍ ഹോട്ടലില്‍ നിന്ന് ഭക്ഷണം കഴിക്കുന്നത് ഒഴിവാക്കുകയായിരുന്നു.

കഴിഞ്ഞ തവണ കിടന്നിരുന്ന രണ്ടാം നമ്പര്‍ സെല്ലു തന്നെയാണ് ദിലീപിന് ലഭിച്ചത്. സഹതടവുകാര്‍ക്കും മാറ്റമില്ല.