സൂര്യനെല്ലിയില്‍ ഇളയ മകന്റെ ഭാര്യയുമായി വഴക്കുണ്ടാക്കിയ മൂത്ത മകനെ പിതാവ് വെടിവച്ചു. ബിനുവിനെ ആണു പിതാവ് അച്ചന്‍കുഞ്ഞ് ലൈസന്‍സില്ലാത്ത നാടന്‍ തോക്കുകൊണ്ട് വെടി വച്ചത്. ഗുരുതരാവസ്ഥയിലായ യുവാവിനെ ആശുപത്രിയില്‍ പ്രവേശിപ്പിച്ചു.

സംഭവത്തെക്കുറിച്ച് പൊലീസ് പറയുന്നത് ഇങ്ങനെ: ശനിയാഴ്ച രാത്രി പത്തരയോടെയാണു സംഭവം നടന്നത്. റിസോര്‍ട്ട് ജീവനക്കാരനായ ഇളയ മകന്റേത് പ്രണയവിവാഹമായിരുന്നു. അവിവാഹിതനായ ബിനുവിനു തുടക്കം മുതലെ ഈ ബന്ധം ഇഷ്ടമായിരുന്നില്ല. സംഭവദിവസം രാത്രി അനുജന്‍ ജോലിക്കു പോയിരുന്ന സമയം ഇയാള്‍ പെണ്‍കുട്ടിയുമായി വഴക്കുണ്ടാക്കി.

ഇതു കണ്ടുനിന്ന പിതാവ് വഴക്കവസാനിപ്പിക്കുവാന്‍ പലതവണ ആവശ്യപ്പെട്ടെങ്കിലും ബിനു അനുസരിച്ചില്ല. പ്രകോപിതനായ പിതാവ് ഇതേത്തുടര്‍ന്ന് വീട്ടില്‍ സൂക്ഷിച്ചിരുന്ന തോക്കെടുത്തു മകനു നേര്‍ക്കു നിറയൊഴിക്കുകയായിരുന്നു. വെടിയേറ്റുവീണ ബിനുവിനെ അയല്‍വാസികളാണ് ആണ് ആശുപത്രിയില്‍ എത്തിച്ചത്.

ആക്രമണത്തിനു ശേഷം അച്ചന്‍കുഞ്ഞ് ഒളിവില്‍പ്പോയി. ശാന്തന്‍പാറ പൊലീസ് സ്ഥലത്തെത്തി തോക്ക് കസ്റ്റഡിയിലെടുത്തു. പ്രതിക്കായി തിരച്ചില്‍ ആരംഭിച്ചിട്ടുണ്ട്.