ഒടുവില് ലാല് ജൂനിയറും ശ്രീനാഥ് ഭാസിയും: സിനിമാക്കാര്ക്ക് എന്താണ് സംഭവിച്ചുകൊണ്ടിരിക്കുന്നത്?
സിനിമാക്കാര്ക്ക് എന്താണ് സംഭവിച്ചതെന്ന് ചിന്തിക്കുകയാണ് കേരളം. ദിലീപിന് പിറകെ സിനിമാക്കാര്ക്കെതിരായി നിരന്തരമായി കേസുകള് വരുന്നു. ഒരു നടിയുമായി ബന്ധപ്പെട്ട ചിത്രം പുറത്തുവിട്ട ചെറുപ്പക്കാരനെതിരെ പോലീസ് കേസെടുത്തു. തൊട്ടു പിന്നാലെ സംവിധായകന് ലാല് ജൂനിയറിനും നടന് ശ്രീനാഥ് ഭാസിക്കുമെതിരെ അപമര്യാദയായി സംസാരിച്ചതിനു പോലീസ് കേസെടുത്തു.
കേരളീയ സമൂഹത്തില് എന്താണ് സംഭവിച്ചു കൊണ്ടിരിക്കുന്നതെന്ന് അറിയാത്തതാണ് സിനിമാക്കാര്ക്ക് സംഭവിക്കുന്ന ദുരന്തം. പണ്ട് പ്രേംനസീര്, സത്യന്, മമ്മൂട്ടി, മോഹന്ലാല്, ജയറാം, ദിലീപ്, പൃഥ്വിരാജ്, ഫഹദ് ഫാസില് തടങ്ങി സകലമാന നടീനടന്മാര്ക്കും വലിയ ജനപ്രീതിയുണ്ടായിരുന്നു. അവര് വിണ്ണിലെ താരങ്ങളായിരുന്നു. അവരുടെ പേരു കേട്ടാല് ജനങ്ങള് കോരിത്തരിക്കുമായിരുന്നു. എന്നാല് ഇന്ന് അത്തരം വീരാരാധനയൊന്നുമില്ല. സിനിമാക്കാര് എന്നു കേള്ക്കുമ്പോള് എഴുന്നേറ്റ് നിന്ന് കൈയടിക്കുന്ന കാലം കടന്നു പോയിരിക്കുന്നു.
ഇന്ന് സിനിമാക്കാരനും സാധാരണക്കാരനാണ്. എല്ലാവര്ക്കും ഉള്ള അംഗീകാരം മാത്രമാണ് സിനിമാക്കാര്ക്കും ലഭിക്കുന്നത്. എന്നാല് സിനിമാക്കാരുടെ ധാരണ അങ്ങനെയൊന്നുമല്ല. അവര് കരുതുന്നത് തങ്ങള്ക്ക് മേല് യാതൊന്നും ഇല്ല എന്നാണ്. അവര് പണത്തിന്റെയും അധികാരത്തിന്റെയും ഉന്നത സോപാനങ്ങളില് ആടി തിമിര്ക്കുന്നവരാണ് എന്നത് ഒഴിച്ചാല് മറ്റൊരു മേന്മയുമില്ല. പണ്ടാണ് സിനിമാക്കാരന്റെ പണത്തിന് വിലയുണ്ടായിരുന്നത്. ഇന്നത്തെ കേരളം പണത്തെക്കാളധികം പ്രാധാന്യം നല്കുന്നത് വിദ്യാഭ്യാസത്തിനാണ്. അതുകൊണ്ടാണ് സിനിമാ നടിയെ ആക്രമിക്കാന് ക്വട്ടേഷന് കൊടുത്ത ദിലീപിനെ കേരളം മുഴുവന് കൂകി തോല്പ്പിക്കുന്നത്.
പഴയതുപോലെ ഒരു ചെറുപ്പക്കാരനും മുതിര്ന്ന സിനിമാക്കാരന്റെ വീടിനു മുമ്പില് ചെന്ന് ഒരവസരം തരണേ എന്ന് പ്രാര്ത്ഥിക്കുന്നില്ല. ഇന്ന് നടീനടന്മാരെ കണ്ടെത്തുന്നത് സിനിമാക്കാര് സ്വയം പാടുപെട്ടാണ്. അവര്ക്ക് മമ്മൂട്ടിയെ കണ്ടാലും ലാലിനെ കണ്ടാലും ഒരു പോലെ തന്നെയാണ്. ഒരു പക്ഷേ ഇവരെക്കാളൊക്കെ ഐ.എസ്.ആര് ഒയിലെ ശാസ്ത്രജ്ഞനെ കണ്ടാല് അവര് ബഹുമാനിച്ചെന്നിരിക്കും.
ഹണീബീ 2 എന്ന ചിത്രത്തിന്റെ ലൊക്കേഷനില് യുവനടിയോട് സംവിധായകര് മോശമായി സംസാരിച്ചു എന്നാണ് പരാതി. പോലീസ് യുവനടിയുടെ മൊഴിയെടുത്തു. പ്രതിഫലം ചോദിച്ചപ്പോഴാണത്രേ മോശമായി സംസാരിച്ചത്.
പണ്ട് സിനിമയില് അഭിനയിക്കുന്നതിന് പ്രതിഫലം ചോദിച്ചാല് മോശമായി സംസാരിക്കുമായിരുന്നു. ഇന്നസെന്റ് പറഞ്ഞതുപോലെ നടന്മാരുടെ ശാരീരികാവശ്യങ്ങള് നിറവേറ്റേണ്ടിയും വരുമായിരുന്നു. ഇന്ന് കാലം മാറി. സിനിമയില് അഭിനയിക്കണമെന്ന മോഹം അസ്ഥിയില് പിടിച്ചവരുടെ എണ്ണം തീരെ കുറഞ്ഞിരിക്കുന്നു. സിനിമാ മേഖല അരാജകത്വത്തിന്റെ പിടിയിലാണെന്നത് എല്ലാവര്ക്കും അറിയുന്ന കാര്യമായി തീര്ന്നിരിക്കുന്നു. സിനിമാക്കാര് പോലും ഇക്കാര്യങ്ങള് നിഷേധിക്കുന്നില്ല. ദിലീപ് ജയിലില് ആയെങ്കിലും സിനിമയിലെ സാമ്പ്രദായിക ചുവടുവയ്പ്പുകാര് ഇന്നും ദിലീപിനൊപ്പം തന്നെയാണ്.
സിനിമാക്കാര് തങ്ങളുടെ ചിന്താഗതിക്ക് മാറ്റം വരുത്തിയില്ലെങ്കില് അവരുടെ ഭാവി അവതാളത്തിലാകുമെന്ന അവസ്ഥയാണുള്ളത്. കാരണം ഇപ്പോഴത്തെ സര്ക്കാരും പോലീസും സിനിമാക്കാര് എന്നു കേള്ക്കുമ്പോള് മുട്ടുവിറയ്ക്കുന്നവരല്ല.
https://www.facebook.com/Malayalivartha
