മിസോറാം ലോട്ടറി നിയമവിരുദ്ധമെന്ന് മന്ത്രി തോമസ് ഐസക്ക്; ലോട്ടറിയുടെ പരസ്യം ദേശാഭിമാനിയില്
മിസോറാം ലോട്ടറിയുടെ പരസ്യം ദേശാഭിമാനിയിലും. മിസോറാം ലോട്ടറി നിയമവിരുദ്ധമാണെന്ന് ധനമന്ത്രി ഡോ. തോമസ് ഐസക്ക് അഭിപ്രായപ്പെടുമ്പോഴാണ്, സിപിഐഎം മുഖപത്രമായ ദേശാഭിമാനിയില് ലോട്ടറി സംബന്ധിച്ച പരസ്യം പ്രസിദ്ധീകരിച്ചത്. ഓഗസ്റ്റ് ഏഴുമുതല് നറുക്കെടുപ്പ് തുടങ്ങുമെന്ന് പരസ്യത്തില് വ്യക്തമാക്കിയിട്ടുണ്ട്.
വി എസ് അച്യുതാനന്ദന്റെ നേതൃത്വത്തിലുള്ള ഇടതു സര്ക്കാരാണ് മിസോറാം ലോട്ടറിയെ സംസ്താനത്തു നിന്നും കെട്ടുകെട്ടിച്ചത്. ഇപ്പോള് ജിഎസ്ടി നിയമത്തിന്റെ മറവില് മിസോറാം ലോട്ടറി വീണ്ടും സംസ്ഥാനത്ത് രംഗപ്രവേശനത്തിന് തയ്യാറെടുക്കുന്നതായി നേരത്തെ തന്നെ റിപ്പോര്ട്ടുകളുണ്ടായിരുന്നു. ഇതിന് പിന്നാലെയാണ് സിപിഐഎമ്മിന്റെ തന്നെ മുഖപത്രത്തില് മിസോറാം ലോട്ടറിയുടെ പരസ്യം പ്രസിദ്ധീകരിച്ചിട്ടുള്ളത്.
അതേസമയം മിസോറാം ലോട്ടറിക്കെതിരായ നടപടിയില് സിപിഐഎം നേതൃത്വത്തിന് ആത്മാര്ത്ഥതയില്ലെന്ന് കോണ്ഗ്രസ് നേതാവ് ജോസഫ് വാഴയ്ക്കന് ആരോപിച്ചു. ഇതിന് തെളിവാണ് ദേശാഭിമാനിയില് വന്ന പരസ്യം. മന്ത്രി തോമസ് ഐസക്കിന് മിസോറാം ലോട്ടറിയ്ക്കെതിരെ നടപടിയെടുക്കാന് താല്പ്പര്യമുണ്ട്. എന്നാല് സിപിഐഎമ്മിലെ ഒരു വിഭാഗത്തിന് ഇതിനോട് യോജിപ്പില്ലെന്നതിന്റെ സൂചനയാണ് ദേശാഭിമാനിയിലെ പരസ്യം സൂചിപ്പിക്കുന്നതെന്നും ജോസഫ് വാഴയ്ക്കന് പറഞ്ഞു.
മിസോറാം ലോട്ടറിയുടെ പരസ്യം പ്രസിദ്ധീകരിച്ചത് സംസ്ഥാനത്തെ സിപിഐഎമ്മിലും വന് വിവാദങ്ങള്ക്ക് വഴിതെളിക്കാന് സാധ്യതയേറെയാണ്. നേരത്തെ ലോട്ടറി സാന്റിയാഗോ മാര്ട്ടിനും ദേശാഭിമാനിയുമായുള്ള സാമ്പത്തിക ഇടപാട് പാര്ട്ടിയില് ഏറെ ചര്ച്ചയായിരുന്നു.
വിവാദങ്ങള്ക്കൊടുവില് സാന്റിയാഗോ മര്ട്ടിനില് നിന്നും വാങ്ങിയ രണ്ടുകോടി രൂപ തിരിച്ചുകൊടുത്താണ് ദേശാഭിമാനി വിവാദത്തില് നിന്നും തലയൂരിയത്. വിഷയത്തില് ദേശാഭിമാനി ജനറല് മാനേജറായിരുന്ന ഇ പി ജയരാജന് ജാഗ്രതക്കുറവുണ്ടായെന്ന് സിപിഐഎം വിലയിരുത്തിയിരുന്നു.
https://www.facebook.com/Malayalivartha
