പന്തളത്ത് രാഷ്ട്രീയ സംഘര്‍ഷം രൂക്ഷമാകുന്നു. വൈകീട്ട് നടന്ന സംഘട്ടനത്തില്‍ ആര്‍.എസ്.എസ് പ്രവര്‍ത്തകന് വെട്ടേറ്റു. കടയ്ക്കാട് മേലുട്ടില്‍ വീട്ടില്‍ അജിത്തിനാണ് വെട്ടേറ്റത്. തലയ്ക്ക് വെട്ടേറ്റ അജിത്തിനെ സ്വകാര്യ ആശുപത്രിയില്‍ പ്രവേശിപ്പിച്ചു. സംഭവുമായി ബന്ധപ്പെട്ട് ആശാരി കണ്ണന്‍ എന്ന ആളെ പൊലീസ് കസ്റ്റഡിയിലെടുത്തു.

കഴിഞ്ഞ ഒരാഴ്ചയായി പന്തളത്ത് സി.പി.എം ബി.ജെ.പി സംഘര്‍ഷം നിലനില്‍ക്കുന്നുണ്ട്. ഇതേത്തുടര്‍ന്ന് പന്തളം പൊലീസ് സ്‌റ്റേഷന്‍ പരിധിയില്‍ പത്തനംതിട്ട ജില്ലാ കളക്ടര്‍ ഒരാഴ്ചത്തേക്ക് നിരോധനാജ്ഞ പ്രഖ്യാപിച്ചിരുന്നു. കഴിഞ്ഞ ദിവസം ഇരുവിഭാഗങ്ങള്‍ നടത്തിയ പ്രതിഷേധ പ്രകടനവും സംഘര്‍ഷത്തില്‍ കലാശിച്ചിരുന്നു.