ഹര്ത്താല് ദിനങ്ങളില് ഇനി ആംബുലന്സ് സര്വീസ് ഇല്ല
ഹര്ത്താല് ദിനങ്ങളില് ആംബുലന്സുകള് സര്വീസ് നടത്തേണ്ടതില്ലെന്ന് തീരുമാനം. ഹര്ത്താലിനിടെ ആംബുലന്സുകള് ആക്രമിക്കപ്പെടുന്നത് പതിവായതോടെയാണ് ഡ്രൈവര്മാരും ടെക്നീഷ്യന്മാരും ഈ തീരുമാനമെടുത്തത്.
ഹര്ത്താല് ദിനത്തില് ഒരു അപകടമുണ്ടായാല്, രോഗികള്ക്കും ഡോക്ടര്മാര്ക്കും ആശുപത്രികളിലെത്താന് അങ്ങനെ സമയവും കാലവും നോക്കാതെ സര്വീസ് നടത്തിയിരുന്ന ആംബുലന്സുകള് ഇനി ഹര്ത്താല് ദിനങ്ങളില് സര്വീസ് നടത്താന് രണ്ടാമതൊന്ന് ആലോചിക്കും.
ഹര്ത്താല് ദിവസങ്ങളില് സര്വീസ് നടത്തിയ ആംബുലന്സുകള്ക്കുനേരെ നിരന്തരം അക്രമമുണ്ടായതോടെയാണ് ഇത്തരമൊരു തീരുമാനം. കൊല്ലം, പാലക്കാട്, കണ്ണൂര് ജില്ലകളിലായിരുന്നു കഴിഞ്ഞ ദിവസം ആംബുലന്സുകള് ആക്രമണത്തിനിരയായത്.
ആക്രമണത്തിനിരയായാല് പൊലീസ് സംരക്ഷണം ലഭിക്കാതെ പോകുന്നു. ജീവന് ഭീഷണി തുടങ്ങി നിരവധി പരാതികളാണ് ആംബുലന്സ് ഡ്രൈവര്മാരും ടെക്നീഷ്യന്മാരും ഉള്പ്പെടുന്ന അസോസിയേഷന് ഉന്നയിക്കുന്നത്. ഹര്ത്താല് ദിനത്തില് ഇവര് കൂടി പണിമുടക്കിയാല് അപകടങ്ങളില്പെടുന്നവരുള്പ്പെടെയുള്ള രോഗികളുടെ ജീവന് തുലാസിലാകും.
https://www.facebook.com/Malayalivartha
