സ്കൂള്, കോളജ് കേന്ദ്രീകരിച്ച് നടക്കുന്ന ലഹരി മരുന്ന് വില്പനക്കും ഉപയോഗത്തിനും തടയിടാനാകാതെ എക്സൈസ് വകുപ്പ്
മതിയായ ജീവനക്കാരില്ലാത്തതിനാല് സ്കൂള്, കോളജ് കേന്ദ്രീകരിച്ച് നടക്കുന്ന ലഹരി മരുന്ന് വില്പനക്കും ഉപയോഗത്തിനും തടയിടാനാകാതെ എക്സൈസ് വകുപ്പ്. സംസ്ഥാനത്തെ സ്കൂള്,കോളജുകള് കേന്ദ്രീകരിച്ച് ലഹരി ഉപയോഗം വര്ധിക്കുന്നതായാണ് എക്സൈസിന്റെ വിലയിരുത്തല്. എന്നാല് അതിന് തടയിടാന് തങ്ങള്ക്ക് പരിമിതിയുണ്ടെന്നാണ് വകുപ്പിന്റെ വിശദീകരണം
സ്കൂൂള്, കോളജുകള് കേന്ദ്രീകരിച്ച് ലഹരി വിരുദ്ധ ക്യാമ്പുകള് സംഘടിപ്പിക്കാന് വകുപ്പ് തയ്യാറാണെങ്കിലും അംഗബലം പരിമിതമായതിനാല് പലപ്പോഴും അതിന് സാധിക്കുന്നില്ലെന്ന് വകുപ്പ് വൃത്തങ്ങള് പറയുന്നു. സംസ്ഥാനത്തെ സ്കൂള്, കോളജ് വിദ്യാര്ഥികളില് ലഹരി മരുന്ന് ഉപയോഗം വര്ധിക്കുന്നതായാണ് പരിശോധനകളില് നിന്നും വ്യക്തമാകുന്നതെന്നാണ് എക്സൈസ് അധികൃതര് പറയുന്നത്.
അടുത്തിടെ മയക്കുമരുന്നുമായി ഭൂരിഭാഗം പേരും പിടിയിലായത് സ്കൂള്, കോളജ് പരിസരങ്ങളില് നിന്നാണ്. നിരോധിത പുകയില ഉല്പന്നങ്ങളുടെ വില്പനയും ഈ ഭാഗങ്ങളില് കൂടുതലായി കാണപ്പെടുന്നുവെന്ന് എക്സൈസ് കമീഷണര് ഋഷിരാജ് സിങ്ങും പറഞ്ഞു. എന്നാല് നിയമത്തിലെ പോരായ്മകളും അംഗബലത്തിലെ കുറവും ഇതിന് തടയിടാന് എക്സൈസിന് പ്രതിബദ്ധമായുണ്ട്.
ആഴ്ചയില് ഒരുദിവസമെങ്കിലും സ്കൂള്, കോളജ് തലത്തില് ലഹരിവിരുദ്ധ ക്യാമ്പുകള് സംഘടിപ്പിക്കുകയെന്നത് എക്സൈസിന് താല്പര്യമുള്ള വിഷയമാണ്. എന്നാല് അംഗബലത്തിലെ പരിമിതി മൂലം ഇത് സാധിക്കുന്നില്ലെന്നാണ് വകുപ്പിന്റെ വിശദീകരണം. എന്നാലും പരിമിതികള്ക്കുള്ളില് നിന്നുകൊണ്ട് എക്സൈസ് ഉദ്യോഗസ്ഥര് ബോധവല്കരണ പ്രവര്ത്തനങ്ങള് നടത്തുന്നുണ്ട്. നിലവില് 2542 ലഹരി വിരുദ്ധ ക്ലബ്ബുകള് പ്രവര്ത്തിക്കുന്നുണ്ട്. എന്നാല് ഇവയുടെ പ്രവര്ത്തനങ്ങള് ശരിയായ രീതിയില് നടത്തുന്നതിന് ചില തടസങ്ങളുണ്ടെന്നതും വസ്തുതയാണ്.
സ്കൂള്, കോളജ് പരിസരങ്ങളിലെ ലഹരി പദാര്ഥ വില്പനക്ക് തടയിടാന് പ്രത്യേക സ്ക്വാഡുകളെ നിയോഗിക്കുന്നതിനുള്ള പദ്ധതി എക്സൈസ് വകുപ്പിനുണ്ടെങ്കിലും അതിനും മതിയായ ജീവനക്കാരുടെ എണ്ണക്കുറവ് തടസം സൃഷ്ടിക്കുന്നു. സ്കൂള്, കോളജുകളുടെ എണ്ണക്കൂടുതലാണ് ഇതിന് പ്രധാന പ്രശ്നമായി എക്സൈസ് വകുപ്പ് ചൂണ്ടിക്കാട്ടുന്നത്. എന്നാലും ചില വിദ്യാലയങ്ങളില് എക്സൈസ് സ്ക്വാഡ് പ്രത്യേക നിരീക്ഷണം നടത്തിവരുന്നുണ്ട്. പക്ഷെ നിയമങ്ങളിലെ ചില നൂലാമാലകള് ലഹരി പദാര്ഥങ്ങള് വില്ക്കുന്നവരെയും അത് ഉപയോഗിക്കുന്നവരെയും രക്ഷപെടാന് സഹായിക്കുന്നുവെന്നാണ് എക്സൈസിന്റെ പരാതി.
https://www.facebook.com/Malayalivartha
