ബിജെപിയ്ക്ക് കളക്ടര് ബ്രോയെ താല്പര്യമില്ല... കണ്ണന്താനത്തിന്റെ പ്രൈവറ്റ് സെക്രട്ടറിയായി പ്രശാന്തിനെ നിയമിക്കേണ്ടെന്ന് പാര്ട്ടിക്കാര്, യുഡിഎഫ് സര്ക്കാരില് പ്രവര്ത്തിച്ചത് കൊണ്ട് പ്രശാന്തിനെ പരിഗണിക്കേണ്ടെന്ന് ബിജെപി
കേന്ദ്രമന്ത്രി അല്ഫോന്സ് കണ്ണന്താനത്തിന്റെ പ്രൈവറ്റ് സെക്രട്ടറിയായി കളക്ടര് എന് പ്രശാന്ത് വേണ്ടെന്ന് ബിജെപി.മുന്സര്ക്കാരിലെ മന്ത്രിമാരുടെ പേഴ്സണല് സ്റ്റാഫില് പ്രവര്ത്തിച്ചവരെ പരിഗണിക്കരുതെന്നാണ് ബിജെപിയുടെ തീരുമാനം.
പ്രശാന്തിനെ നിയമിച്ചതിനെതിരെ പാര്ട്ടിയിലെ ചില നേതാക്കന്മാര് പ്രധാനമന്ത്രിയ്ക്ക് കത്തയച്ചിരുന്നു.കഴിഞ്ഞ യുഡിഎഫ് സര്ക്കാരില് ആഭ്യന്തരമന്ത്രിയായിരുന്ന രമേശ് ചെന്നിത്തലയുടെ പ്രൈവറ്റ് സെക്രട്ടറിയായി പ്രശാന്ത് പ്രവര്ത്തിച്ചിരുന്നു.ഇത് ചൂണ്ടിക്കാട്ടിയാണ് എതിര്പ്പെന്നാണ് ആരോപണം.
വിനോദസഞ്ചാരവകുപ്പിന്റെ സ്വതന്ത്രചുമതലയുള്ള കണ്ണന്താനത്തിന്റെ സെക്രട്ടറി പദത്തിലേക്ക് മലയാളി ഐ.എ.എസുകാരനെ നിയമിക്കാനാണ് പാര്ട്ടിയുടെ ശുപാര്ശ. കേന്ദ്രത്തിന്റെ സഹായത്തോടെ നടപ്പാക്കുന്ന കേരളത്തിലെ വിനോദസഞ്ചാരവികസന പദ്ധതികള്ക്ക് മേല്നോട്ടം വഹിക്കുന്നതിനു മലയാളി ഉദ്യോഗസ്ഥന് വേണമെന്ന ചിന്തയാണ് ഇതിന് പിന്നിലെന്നാണ് അറിയുന്നത്.
2015 മേയിലാണ് എന്. പ്രശാന്ത് കോഴിക്കോട് കളക്ടറായി ചുമതലയേറ്റത്. പൊതുപങ്കാളിത്തത്തോടെ ഓപ്പറേഷന് സുലൈമാനി ഉള്പ്പെടെയുള്ള പദ്ധതികള് നടപ്പാക്കിയും കളക്ടറുടെ ഔദ്യോഗിക പേജിലൂടെ പൊതുജനങ്ങളുമായി സംവദിച്ചും പ്രശാന്ത് ജനപ്രീതി നേടിയിരുന്നു.
https://www.facebook.com/Malayalivartha
