പെണ്‍കുട്ടികള്‍ പ്രധാനമായി വ്യാകുലപ്പെടുന്ന ഒന്നാണ് സാനിറ്ററി നാപ്കിനുകള്‍ എവിടെ കളയും എന്ന കാര്യം. പ്രധാനമായി ഫഌറ്റുകളിലാണെങ്കില്‍ പേഡുകള്‍ ഉപേക്ഷിക്കാന്‍ ഏറെ പ്രയാസമാണ്.എന്നാല്‍ 9000 ടണ്‍ സാനിറ്ററി നാപ്കിനുകള്‍ അതായത്, 43.2 കോടി പാഡുകളാണ് ഒരു കൊല്ലം ഈ രാജ്യത്തെ മണ്ണില്‍ മാലിന്യമായി മാറുന്നതെന്നാണ് സത്യം. എന്നാല്‍ ഈ വിവരം കേട്ടിട്ട് എല്ലാവരും മൂക്കിലൊന്ന് കൈ വച്ചു.

എന്നാല്‍, ഐശ്വര്യ ഇത് കേട്ട് ഞെട്ടിയില്ല. കാരണം ഐശ്വര്യയ്ക്ക് ഇതിനൊരു പോംവഴി കണ്ടെത്തിയിരുന്നു. ഉപയോഗശേഷം സാനിറ്ററിനാപ്കിനുകള്‍ പ്രകൃതിസൗഹൃദമായി മറ്റാവശ്യങ്ങള്‍ക്ക് ഉപയോഗിക്കാന്‍ സാധിക്കുമെന്ന് ഈ മിടുക്കി കണ്ടെത്തി. 

ഈ കണ്ടെത്തലിന് ദേശീയ അംഗീകരവും ഐശ്വര്യയെ തേടി എത്തി. സാനിറ്ററി പാഡിലെ കോട്ടണിനെ കമ്പോസ്റ്റാക്കി മാറ്റാനും പ്ലാസ്റ്റിക്കിനെ ഗ്രോബാഗായി നിര്‍മ്മിക്കാനും സാധിക്കുമെന്നാണ് ഐശ്വര്യ കണ്ടെത്തിയത്. സ്വച്ഛ്ഭാരതിന്റെ ഭാഗമായി ദേശീയ കുടിവെള്ള, ശുചിത്വ മന്ത്രാലയം സംഘടിപ്പിച്ച സ്വച്ഛ മത്സരത്തില്‍ ഈ കണ്ടെത്തലിന് രണ്ടാംസ്ഥാനം ലഭിച്ചു. 

തലക്കോട്ടുകര വിദ്യ അക്കാദമി ഓഫ് സയന്‍സ് ആന്റ് ടെക്‌നോളജിയിലെ നാലാംവര്‍ഷം എന്‍ജിനീയറിങ് വിദ്യാര്‍ഥിനിയാണ് ഈ തൃശ്ശൂര്‍. സ്വദേശി. ഒന്നരലക്ഷം രൂപയുടെ അവാര്‍ഡ് നേടിയ ഐശ്വര്യയാണ് മത്സരത്തില്‍ പങ്കെടുത്ത ഏകമലയാളിയും പ്രായംകുറഞ്ഞ വ്യക്തിയും.