ഹര്ത്താലിനിടെ പ്രകോപനം സൃഷ്ടിക്കാന് മുഖ്യമന്ത്രി നേരിട്ടിറങ്ങിയെന്ന് പ്രതിപക്ഷനേതാവ്
ഇന്ധനവിലയ്ക്കും വിലക്കയറ്റത്തിനുമെതിരെ യു.ഡി.എഫ് നടത്തിയ ഹര്ത്താല് സമാധാനപരമായിരുന്നെന്നും എന്നാല് പ്രകോപനം സൃഷ്ടിക്കാന് മുഖ്യമന്ത്രി നേരിട്ടിറങ്ങിയെന്ന് പ്രതിപക്ഷനേതാവ് രമേശ് ചെന്നിത്തല വാര്ത്താസമ്മേളനത്തില് ആരോപിച്ചു. ഹര്ത്താലില് വ്യാപക അക്രമമെന്ന് സര്ക്കാരും ചില മാധ്യമങ്ങളും പ്രചരിപ്പിക്കുന്നു. ഒറ്റപ്പെട്ട സംഭവങ്ങളുടെ പേരില് വ്യാജപ്രചരണങ്ങള് അഴിച്ചുവിടരുതെന്നും അദ്ദേഹം അഭ്യര്ത്ഥിച്ചു. സി.പി.എമ്മും ബി.ജെ.പിയും തമ്മിലുള്ള സൗഹൃദത്തിന്റെ ഫലമാണ് ദേശീയതലത്തില് കോണ്ഗ്രസുമായി സഖ്യം വേണ്ടെന്ന സി.പിഎം കേന്ദ്രകമ്മിറ്റിയുടെ തീരുമാനമെന്നും അദ്ദേഹം ചൂണ്ടിക്കാട്ടി.
ഇന്ധനവിലയ്ക്ക് സംസ്ഥാനങ്ങള് ഏര്പ്പെടുത്തിയ അധികനികുതി പിന്വലിക്കാന് കര്ണാടകവും ഹിമാചല് പ്രദേശും ഉള്പ്പെടെ തയ്യാറായി. പക്ഷെ, കേരളാ സര്ക്കാര് അധികനികുതി ഒഴിവാക്കില്ലെന്ന വാശിയിലാണ്. കഴിഞ്ഞ യു.ഡി.എഫ് സര്ക്കാര് മൂന്ന് തവണ അധിക നികുതി വേണ്ടെന്ന് വച്ച് ജനങ്ങളെ സഹായിച്ചിരുന്നു. ജി.എസ്.ടി എല്ലാ സാധനങ്ങള്ക്കും 28 ശതമാനം നികുതി ഏര്പ്പെടുത്തിയതോടെ ജനം പൊറുതിമുട്ടിയിരിക്കുകയാണ്. വിലക്കയറ്റം തടയാന് കേന്ദ്ര-സംസ്ഥാന സര്്ക്കാരുകള് നടപടി സ്വീകരിക്കുന്നില്ല. ജി.എസ്.ടി നടപ്പാക്കിയിട്ട് 100 ദിവസം കഴിഞ്ഞിട്ടും വില കുറയുന്നില്ല. നിത്യോപയോഗ സാധനങ്ങള്ക്കും ഹോട്ടല് ഭക്ഷണത്തിനും വില കൂടുന്നെന്നും അദ്ദേഹം ചൂണ്ടിക്കാട്ടി.
സംസ്ഥാനത്ത് വികസനപദ്ധതികള് പ്രഖ്യാപിക്കുന്നതല്ലാതെ ഒന്നും നടപ്പാക്കുന്നില്ല. ഭരണയന്ത്രം സ്തംഭിച്ചു. ജീവനക്കാരുടെ ആനുകൂല്യങ്ങള് തടയുന്നു. ക്ഷേമപ്രവര്ത്തനങ്ങള് നടക്കുന്നില്ല. ക്രമസമാധാനനില വഷളായി. സ്ത്രീകള്ക്കും കുട്ടികള്ക്കുമെതിരെ അക്രമം വര്ദ്ധിച്ചു. കെ.എസ്.ആര്.ടി.സിയിലെ സി.പി.എം- ബി.ജെ.പി സംഘടനകള് ചേര്ച്ചാണ് ബസുകള് നിരത്തിലിറക്കിയത്. ഹര്ത്താല് ദിവസത്തെ കളക്ഷന് കെ.എസ്.ആര്.ടി.സി പുറത്ത് വിടണമെന്നും അദ്ദേഹം ആവശ്യപ്പെട്ടു.
https://www.facebook.com/Malayalivartha
