ബിരിയാണി കിട്ടാത്തതിന് പോലീസിനോട് സീരിയല് നടി തട്ടിക്കയറി, 35 പവന് മോഷ്ടിച്ച സിരീയല് നടി പോലീസിനെ കണ്ടപ്പോള് ...?

35 പവന് കവര്ന്ന സീരിയല് നടിയും മട്ടന് ബിരിയാണി കിട്ടാത്തതിന് വഴക്കുണ്ടാക്കിയ സീരിയല് നടിയുമാണ് സോഷ്യല് മീഡിയയിലെ ഇപ്പോഴത്തെ ചര്ച്ച. പയ്യന്നൂര് സ്വദേശിനിയുടെ ബംഗളൂരുവിലെ വീട്ടില് നിന്നു 35 പവന് കവര്ന്നത്. തലശേരി ടെമ്ബിള് ഗേറ്റ് പുതിയറോഡിലെ ക്വാര്ട്ടേഴ്സില്നിന്നാണ് കോഴിക്കോട് സ്വദേശിനിയായ തനൂജ (24)യെ ടൗണ് സി.ഐ: കെ.ഇ പ്രേമചന്ദ്രനും സംഘവും പിടികൂടിയത്.
മട്ടന് ബിരിയാണി കിട്ടാത്തതിന് ഹോട്ടലില് പരാക്രമം കാട്ടിയ സീരിയല് നടി തൃശൂര് കുന്നംകുളം പൂനഞ്ചേരി വീട്ടില് അനു ജൂബി(23), സുഹൃത്തുക്കളായ എറണാകുളം പാലാരിവട്ടം ആലിഞ്ഞല മൂട്ടില് നഹാസ്(25), മംഗലാപുരം ബന്തര് സോണ്ടിഹത്തലു സ്വദേശി മുനീസ(21) എന്നിവരെയാണ് ടൗണ് പോലീസ് അറസ്റ്റു ചെയ്തത്.
സ്വര്ണാഭരണങ്ങള് കൂത്തുപറമ്ബ്, തലശേരി എന്നിവിടങ്ങളിലെ വിവിധ ബാങ്കുകളില്നിന്നു പോലീസ് കണ്ടെടുത്തു. ബംഗളൂരു കനകപുര രഘുവന ഹള്ളിയില് താമസിക്കുന്ന പയ്യന്നൂര് സ്വദേശിയുടെ വീട്ടില്നിന്നാണ് നടി സ്വര്ണാഭരണങ്ങള് കവര്ന്നത്.
കഴിഞ്ഞ സെപ്റ്റംബര് 28നാണ് സംഭവം. മലയാളത്തിലെ ചില സീരിയലുകളില് അഭിനയിച്ചിട്ടുള്ള തനൂജ ഓഗസ്റ്റിലാണ് പയ്യന്നൂര് സ്വദേശിനിയും ബംഗളൂരു ആരോഗ്യവകുപ്പിലെ ജീവനക്കാരിയുമായ വീട്ടമ്മയുടെ വീട്ടില് ജോലിക്കെത്തിയത്.ഒരുമാസം കൊണ്ട് തന്നെ തനൂജ വീട്ടുകാരുടെ വിശ്വസ്തയായി മാറി. സെപ്റ്റംബര് 28 മുതല് ഇവരെ കാണാതാവുകയായിരുന്നു.
തുടര്ന്ന് വീട്ടുകാര് നടത്തിയ പരിശോധനയിലാണ് അലമാരയില് സൂക്ഷിച്ച സ്വര്ണം കാണാതായ വിവരമറിയുന്നത്. ജോലിക്കുനിന്ന വീട്ടില് വ്യാജവിലാസവും ഫോണ് നമ്ബറുമാണ് തനൂജ നല്കിയത്. എന്നാല് തൊട്ടടുത്ത് താമസിക്കുന്ന യുവാവുമായി തനൂജക്കുണ്ടായിരുന്ന പ്രണയം കണ്ടെത്തിയ കര്ണാടക പോലീസ് ഈ യുവാവിലൂടെ തനൂജ കണ്ണൂരിലുണ്ടെന്ന് കണ്ടെത്തുകയായിരുന്നു.
തുടര്ന്ന് പ്രതിയെ പിടികൂടാന് കണ്ണൂര് ജില്ലാപോലീസിന്റെ സഹായം തേടി. തനൂജ തലശേരി ചേറ്റംകുന്നിലും കണ്ണൂരിലും താമസിച്ചിരുന്നതായി പോലീസ് പറഞ്ഞു. ഇതിനിടെ യുവതിക്ക് തലശേരിയിലെ ഒരു ഓട്ടോെ്രെഡവറുമായും അടുത്തബന്ധമുണ്ടെന്ന് പോലീസ് കണ്ടെത്തി. ഈ യുവാവിനെ കസ്റ്റഡിയിലെടുത്ത് ചോദ്യംചെയ്തപ്പോഴാണ് യുവതിയുടെ താമസസ്ഥലം കണ്ടെത്തിയത്. ഇവിടെ രഹസ്യാന്വേഷണം ഏര്പ്പെടുത്തിയ പോലീസ് തനൂജ ഇന്നലെ പുലര്ച്ചെ കൊച്ചിയില് നിന്നെത്തിയ ഉടനെ പിടികൂടുകയായിരുന്നു.
സ്വര്ണാഭരണങ്ങള് പണയം വെച്ചാണ് തലശേരിയില് ഇവര് വാടക വീട് വാങ്ങിയതെന്നും പോലീസ് അന്വേഷണത്തില് തെളിഞ്ഞിട്ടുണ്ട്. മട്ടന് ബിരിയാണി കിട്ടാത്തതിന് ഹോട്ടലില് പരാക്രമം കാട്ടിയതിനു സീരിയല് നടിയും സംഘവും അറസ്റ്റില്. ഇവര് ഹോട്ടല് ജീവനക്കാരനെ െകെയ്യേറ്റം ചെയ്തെന്നും പ്രശ്നത്തില് ഇടപെട്ട ആളെ അസഭ്യം പറഞ്ഞു മര്ദിച്ചെന്നുംപരാതി.
കഴിഞ്ഞദിവസം െവെകിട്ട് അഞ്ചുമണിയോടെ കോഴിക്കോട് രണ്ടാംഗേറ്റിന് സമീപത്തുള്ള റഹ്മത്ത് ഹോട്ടലിലാണ് സംഭവം. നടിയുടെ ജന്മദിനവുമായി ബന്ധപ്പെട്ട ആഘോഷത്തിന്റെ ഭാഗമായാണ് ഇവര് കോഴിക്കോട് എത്തിയത്. ടാക്സികാറില് െ്രെഡവര്ക്കൊപ്പം ഹോട്ടലിലെത്തിയ സംഘം മട്ടണ് ബിരിയാണി ആവശ്യപ്പെട്ടു. ബിരിയാണി തീര്ന്നെന്നു ഹോട്ടല് ജീവനക്കാര് അറിയച്ചതോടെ നടി ഉള്പ്പെടെയുള്ളവര് തട്ടിക്കയറിയെന്നും ജീവനക്കാരനെ െകെയ്യേറ്റം ചെയ്യാന് ശ്രമിച്ചെന്നുമാണു പരാതി.
ഹോട്ടലില് ഭക്ഷണം കഴിച്ചുകൊണ്ടിരുന്ന ബേപ്പൂര് ഫാത്തിമ മന്സിലില് അബൂബക്കര് റഷാദ് എന്നയാള് പ്രശ്നത്തില് ഇടപെട്ടതോടെ നടിയുള്പ്പെട്ട സംഘം ഇയാള്ക്കെതിരേ തിരിഞ്ഞു. തുടര്ന്ന് ഹോട്ടലുടമ വിവരമറിയിച്ചതിനെത്തുടര്ന്നു ടൗണ് പോലീസ് എത്തി നാലുപേരെയും അറസ്റ്റ് ചെയ്തു. ഇവരെ പിന്നീട് ജാമ്യത്തില് വിടുകയും ചെയ്തു.
https://www.facebook.com/Malayalivartha

























