ഗണേഷിനെയും കോണ്ഗ്രസ് നേതാക്കളെയും സഹായിച്ചത് സോളാര് അന്വേഷണ സംഘത്തിന് വിനയായി; സര്ക്കാരിനെതിരെ രംഗത്തെത്തിയ സംഘത്തിന്റെ നീക്കം അവര്ക്ക് വിനയാകും
സോളാര് കേസില് നിന്നും എല് ഡി എഫ് നേതാവ് കെ.ബി.ഗണേഷ് കുമാറിനെ ഒഴിവാക്കിയതാണ് ഡി.ജി.പി. എ ഹേമചന്ദ്രനും സോളാര് അന്വേഷണ സംഘത്തിനും വിനയായതെന്ന് അറിയുന്നു.
എന്നാല് സര്ക്കാരിനെതിരെ രംഗത്തെത്തിയ അന്വേഷണ സംഘത്തിന്റെ നീക്കം അവര്ക്ക് തന്നെ വിനയാകും. പിണറായി വിജയന് ഇത്തരം നീക്കങ്ങളെ യാതൊരു കാരണവശാലും അംഗീകരിക്കുകയില്ല.
ഉമ്മന് ചാണ്ടി അടക്കമുള്ള കോണ്ഗ്രസ് നേതാക്കളെ ഹേമചന്ദ്രനും അന്വേഷണ സംഘവും സഹായിച്ചതായി സോളാര് റിപ്പോര്ട്ടിലുണ്ടെന്ന് സൂചനയുണ്ട്. കോണ്ഗ്രസ് അനുഭാവി എന്നറിയപ്പെടുന്ന പ്രഗല്ഭനായ ഉദ്യോഗസ്ഥനാണ് ഹേമചന്ദ്രന്. സി പി എം സംസ്ഥാന സെക്രട്ടറി കോടിയേരി ബാലകൃഷ്ണനുമായും അദ്ദേഹത്തിന് അടുത്ത ബന്ധമുണ്ട്. എന്നാല് അത് സഹായമായില്ല.
ഹേമചന്ദ്രനെ സര്ക്കാര് ഉന്നത സ്ഥാനത്ത് പ്രതിഷ്ഠിക്കാന് ഉദ്ദേശിക്കുന്നതിനിടയിലാണ് സോളാര് റിപ്പോര്ട്ട് സമര്പ്പിച്ചത്. കോടിയേരിയാണ് ഇന്റലിജന്സ് മേധാവിയായി ഹേമചന്ദ്രന്റെ പേര് ശുപാര്ശ ചെയ്തത്. എന്നാല് അതിനിടയിലാണ് റിപ്പോര്ട്ട് പുറത്തുവന്നത്.
റിപ്പോര്ട്ടിന്റെ അടിസ്ഥാനത്തില് ഹേമചന്ദ്രന് മുഖ്യമന്ത്രിയെ കണ്ട് താന് നിരപരാധിയാണെന്ന് പറഞ്ഞെങ്കിലും നിലവിലുള്ള സ്ഥാനത്ത് തുടരാന് പോലും അദ്ദേഹം അനുവദിച്ചില്ല. കെ എസ് ആര്റ്റിസി പോലൊരു പൊളിഞ്ഞ സ്ഥാപനത്തിന്റെ തലപ്പത്തേക്കാണ് ഹേമചന്ദ്രനെ മാറ്റിയത്. സ്ഥാപനത്തില് എം ഡി ആയിരുന്ന രാജമാണിക്യം, സര്ക്കാരിന് അനഭിമതനായപ്പോഴാണ് അദ്ദേഹത്തെ കെഎസ്ആര്റ്റിസിയിലേക്ക് മാറ്റിയത്. ആര്ക്കും വേണ്ടാത്തവരെ മാറ്റാനുള്ള ഇടമാണ് കെ എസ് ആര് റ്റി സി.
സോളാര് അന്വേഷണ സംഘം സര്ക്കാരിനെതിരെ രംഗത്തെത്തിയ പശ്ചാത്തലത്തില് കെ എസ് ആര്റ്റിസി എംഡി സ്ഥാനവും ഹേമചന്ദ്രന് നഷ്ടപ്പെടാതിരുന്നാല് ഭാഗ്യം. സോളാര് അന്വേഷണ സംഘത്തിലുണ്ടായിരുന്നവര് സരിതാ കടാക്ഷത്തോടെ സമ്പന്നരായെന്ന് ആക്ഷേപമുണ്ട്. ഹേമചന്ദ്രനും ഗണേഷ് കുമാറും ബന്ധുക്കളാണെന്നും സൂചനയുണ്ട്.
https://www.facebook.com/Malayalivartha
