ചാലക്കുടിയിലെ ഇ​ട​ശേ​രി ഗോൾഡ് ജുവലറിയിൽ നിന്ന് പതിനാല് കിലോ സ്വർണവും ആറു ലക്ഷം രൂപയും കവർന്നതിനു പിന്നിൽ ജാർഖണ്ഡിലെ കൊള്ള സംഘമാണെന്ന് സംശയത്തിൽ പോലീസ്. അന്വേഷണ സംഘം ജാർഖണ്ഡിലേക്ക് ഉടൻ പുറപ്പെടും.

മോഷണ രീതിവച്ചു നോക്കുമ്പോൾ അന്യസംസ്ഥാന മോഷ്ടാക്കളാണെന്ന് നിഗമനത്തിലാണ് പൊലീസ്. കഴിഞ്ഞ ഒരാഴ്ചയ്ക്കിടെ ചെക് പോസ്റ്റുവഴി വന്നുപോയ വാഹനങ്ങൾ തിരിച്ചറിയാൻ കാമറകളും മറ്റു രേഖകളും പരിശോധിച്ചു തുടങ്ങി. ചാലക്കുടി നഗരത്തിലെ സ്ഥാപനങ്ങളിൽ റോഡുദിശയിൽ വച്ചിരിക്കുന്ന കാമറകളും പരിശോധിച്ചു തുടങ്ങി.

ചാലക്കുടിയിലെ അറിയപ്പെടുന്ന ജുവലറിയാണ് ഇ​ട​ശേ​രി ഗോൾഡ് സൂ​പ്പർ മാർ​ക്ക​റ്റെങ്കിലും ഇവിടെ കാര്യമായ കച്ചവടം നടക്കാറില്ല. ഒരു ദിവസം അഞ്ചു പവൻപോലും വില്പന നടക്കാത്ത സ്ഥാപനത്തിൽ പതിനാലു കിലോ സ്വർണം സൂക്ഷിച്ചിരുന്നത് പൊലീസ് സംശയത്തോടെയാണ് കാണുന്നത്. അതിൽ തന്നെ പതിമൂന്നു കിലോയും പുതിയ സ്വർണമാണ്.

ഒരു കിലോ മാത്രമാണ് പഴയ സ്വർണമെന്ന് രജിസ്റ്ററിൽ രേഖപ്പെടുത്തിയിരിക്കുന്നു. ഇത്രയും സ്വർണം സൂക്ഷിച്ചിരുന്ന കടയിൽ നിരീക്ഷണ കാമറയോ മറ്റു സുരക്ഷാ ക്രമീകരണങ്ങളോ ഉണ്ടായിരുന്നില്ല. അലാറം പോലും ഇല്ല. ചുവരുകൾ പോലും മതിയായ ബലമുള്ളതല്ല. സ്വർ​ണ​ക്ക​ട​യി​ലെ നി​ല​വ​റ​യിൽ സൂ​ക്ഷി​ച്ചി​രു​ന്ന ലോ​ക്ക​റി​ലെ ആ​ഭ​രണ​ങ്ങൾ മൊ​ത്ത​മാ​യും മോ​ഷ്ടാ​ക്കൾ ക​ട​ത്തി​ക്കൊ​ണ്ടു​പോ​യി.

കെ​ട്ടി​ട​ത്തി​ന്റെ പിൻ​ഭാ​ഗ​ത്തെ എ​ക്സ്ഹോ​സ്റ്റ് ഫാൻ ഊ​രി​യെ​ടു​ത്ത് അ​വി​ടം തു​ര​ന്നാ​ണ് മോ​ഷ്ടാ​ക്കൾ അ​ക​ത്തു ക​ട​ന്ന​ത്. ഗ്യാ​സ് ക​ട്ടർ ഉ​പ​യോ​ഗി​ച്ച് ലോ​ക്കർ ത​കർ​ത്തു. പ​ണ​വും ഇ​തി​ന​ക​ത്തു ത​ന്നെ​യാ​ണ് സൂ​ക്ഷി​ച്ചി​രു​ന്ന​ത്. ലോ​ക്ക​റിൽ പൗ​ച്ചു​ക​ളി​ലാ​ണ് ആ​ഭ​ര​ണ​ങ്ങൾ വ​ച്ചി​രു​ന്ന​ത്. പു​റ​ത്തെ​ടു​ത്ത പൗ​ച്ചു​കൾ സം​ഭവ സ്ഥ​ല​ത്ത് ഉ​പേ​ക്ഷി​ക്ക​പ്പെ​ട്ട നി​ല​യി​ലാ​ണ്. കെ​ട്ടി​ട​ത്തി​ന്റെ പിൻ​ഭാ​ഗം കാ​ടു​ക​യ​റി ജ​ന​ശ്ര​ദ്ധ​യി​ല്ലാ​തെ കി​ട​ക്കു​ന്ന പ്ര​ദേ​ശ​മാ​ണ്. ചു​മർ തു​ള​യ്ക്കു​ന്ന​തി​ന് ഉ​പ​യോ​ഗി​ച്ച പി​ക്കാ​സും മു​ക​ളി​ലേ​ക്ക് ക​യ​റു​ന്ന​തി​ന് ഉ​പ​യോ​ഗി​ച്ച ക​മ്പി​ക​ളും സ​മീ​പ​ത്തു ക​ണ്ടെ​ത്തി. കാ​ടു​കു​റ്റി​യി​ലെ ഇ.​ടി. ദേ​വ​സി​യു​ടെ മ​കൻ സാ​ബു​വി​ന്റെ ഉ​ട​മ​സ്ഥ​ത​യി​ലു​ള്ള​താ​ണ് ജു​വ​ല​റി.

കാ​വൽ​ക്കാ​രൻ പ​രി​യാ​രം സ്വ​ദേ​ശി കൊ​ച്ച​പ്പൻ നാ​ട്ടിൽ തി​രു​നാൾ ആ​യ​തി​നാൽ ശ​നി​യാ​ഴ്ച രാ​ത്രി അ​വ​ധി​യി​ലാ​യി​രു​ന്നു. ഞാ​യ​റാ​ഴ്ച രാ​ത്രി ഇ​യാൾ ജോ​ലി​യി​ലു​ണ്ടാ​യി​രു​ന്നെ​ങ്കി​ലും അ​ക​ത്തു ന​ട​ന്ന ക​ള​വി​നെ​ക്കു​റി​ച്ച് അ​റി​ഞ്ഞി​രു​ന്നി​ല്ല. ഇ​ന്ന​ലെ രാ​വി​ലെ ജീ​വ​ന​ക്കാർ കട തു​റ​ന്ന​പ്പോ​ഴാ​ണ് ക​വർ​ച്ച​യെ​ക്കു​റി​ച്ച് അ​റി​യു​ന്ന​ത്. വി​ര​ല​ട​യാള വി​ദ​ഗ്ദ്ധ​രും തൃ​ശൂ​രി​ലെ പൊ​ലീ​സ് നായ ഹ​ണി​യും പ​രി​ശോ​ധ​ന​യ്ക്കെ​ത്തി. ക​ട​യു​ടെ മുൻ​ഭാ​ഗ​ത്ത് കു​റ​ച്ചു​നേ​രം വ​ട്ടം​തി​രി​ഞ്ഞ നായ മെ​യിൻ റോ​ഡി​ലൂ​ടെ ഓ​ടി പ​ഴയ മൊ​യി​ലൻ​സ് ആ​ശു​പ​ത്രി​ക്ക​രി​കി​ലെ​ത്തി. വീ​ണ്ടും കെ​ട്ടി​ട​ത്തി​ന്റെ പിൻ​ഭാ​ഗ​ത്ത് ര​ണ്ടി​ട​ങ്ങ​ളിൽ നായ മ​ണം പി​ടി​ച്ചു നി​ന്നു.

സൈബർ സെല്ലിലെ നാലു പേർ ഉൾപ്പെടെ പതിനഞ്ചംഗ സംഘമാണ് കേസ് അന്വേഷിക്കുന്നത്. ഡിവൈ. എസ്.പി. സി. എസ് ഷാഹുൽ ഹമീദിനാണ് അന്വേഷണ ചുമതല. ജാർഖണ്ഡ് കൊള്ള സംഘമാണ് കവർച്ചയ്ക്ക് പിന്നിലെങ്കിൽ വിമാനമാർഗം എത്തി കൊള്ള നടത്തി മടങ്ങുന്നതും ഇവരുടെ പതിവാണ്. കൊള്ളയടിക്കാൻ വരുന്ന സംഘം ആ ദൗത്യം നിറവേറ്റി മോഷണ മുതൽ ഇവിടെയുള്ള അവരുടെ കൂട്ടത്തിലുള്ള മറ്റൊരു സംഘത്തിന് കൈമാറും.

അതിനുശേഷം വന്നതുപോലെ കൈയും വീശി വിമാനമാർഗം മടങ്ങും. ഇവിടെ തമ്പടിച്ച സംഘം സാഹചര്യം ഒത്തുവരുമ്പോൾ ഉരുപ്പടികൾ റോഡു മാർഗം കടത്തി വില്പന നടത്തി പണം കൊള്ളസംഘത്തിന് കൊടുക്കും. അതിനുശേഷം പങ്കിട്ടെടുക്കുകയാണ് പതിവ്. അതിനാൽ കേരളത്തിലെ വിമാനത്താവളങ്ങൾ വഴി വന്നുപോയവരെയും തിരിച്ചറിയാനുള്ള നടപടികൾ പൊലീസ് തുടങ്ങിയിട്ടുണ്ട്.