മുഖ്യമന്ത്രി പിണറായി വിജയന്റെ ചിതം മോർഫ് ചെയ്ത് പ്രചരിപ്പിച്ച് അപകീര്‍ത്തിയുണ്ടാക്കിയെന്ന കേസ് റദ്ദാക്കണമെന്ന ആവശ്യം ഹൈക്കോടതി തള്ളി. സരിത.എസ്.നായരുടെ ചിത്രം മുഖ്യമന്ത്രി പിണറായി വിജയന്റെ ചിത്രത്തില്‍ കൂട്ടിചേര്‍ത്ത് പ്രചരിപ്പിക്കുകയായിരുന്നു.

മോര്‍ഫ് ചെയ്ത ചിത്രം വാട്ട്സാപ്പിലും മറ്റ് ഗ്രൂപ്പിലും പ്രചരിപ്പിച്ചതിനെതിരെയാണ് പോലിസ് കേസെടുത്തത്. ഇതിനെതിരെ എറണാകുളം സെയില്‍ ടാക്സ് ഡെപ്യൂട്ടി കമ്മീഷണര്‍ ഓഫീസിലെ ജീവനക്കാരനായ ടി.പി ജനേഷ്‌കുമാര്‍ സമര്‍പ്പിച്ച ഹര്‍ജിയാണ് കോടതി തള്ളിയത്.

താന്‍ ചിത്രം മോര്‍ഫ് ചെയ്തുണ്ടാക്കിയില്ലെന്നും ആരോ അയച്ചു നല്‍കിയ ചിത്രം മറ്റ് ആളുകള്‍ക്ക് അയക്കുക മാത്രമാണ് ചെയ്തതെന്നുമുള്ള ജനേഷ്‌കുമാറിന്റെ വാദം കോടതി തള്ളുകയായിരുന്നു.