അക്രമം കണ്ണിൽ കണ്ടാൽ കൈയും കെട്ടിനോക്കി നില്ക്കാൻ ആകില്ല; കെഎസ്ആര്ടിസി ബസിലെ യാത്രക്കാരനെ സ്വകാര്യ ബസ് ജീവനക്കാര് ക്രൂരമായി മര്ദിക്കുന്നതിനിടയിൽ സിനിമാസ്റ്റൈലിൽ രക്ഷകനായെത്തിയ ലുങ്കിയുടുത്ത ഹീറോയെ തേടി സോഷ്യൽ മീഡിയ...
കെഎസ്ആര്ടിസി യാത്രക്കാരനെ സ്വകാര്യ ബസ് ജീവനക്കാര് മര്ദ്ദിക്കുന്ന ക്രൂരദൃശ്യങ്ങള് കഴിഞ്ഞ ദിവസം നവമാധ്യമങ്ങള് വഴി പ്രചരിച്ചിരുന്നു. യാത്രക്കാരനെ ബസ് ജീവനക്കാരില് നിന്നും ഒറ്റക്ക് രക്ഷിച്ച ആളെ ഇപ്പോള് സോഷ്യല്മീഡിയ തേടുന്നു. കണ്ണൂര് പയ്യന്നൂര് റൂട്ടിലോടുന്ന മാധവി ബസ് ജീവനക്കാരായിരുന്നു തളിപ്പറമ്പില് വെച്ച് യാത്രക്കാരനെ മര്ദ്ദിച്ചത്. ബസ്സ്റ്റോപ്പില് വെച്ച് സ്വകാര്യ ബസ് ജീവനക്കാര് കെഎസ്ആര്ടിസി ബസ് ജീവനക്കാരുമായി തര്ക്കിച്ചതിനെ യാത്രക്കാരന് ചോദ്യം ചെയ്തപ്പോഴായിരുന്നു മര്ദ്ദനം.
യാത്രക്കാരനെ രക്ഷിക്കുവാന് നാട്ടുകാര് ശ്രമിച്ചിരുന്നു. എന്നാല് ജീവനക്കാരെ കഴുത്തിന് പിടിച്ചു മാറ്റിയ നാട്ടുകാരിലൊരാളാണ് സോഷ്യല്മീഡിയയില് താരമായത്. റോസ് നിറമുള്ള മുണ്ടുടുത്ത ഇദ്ദേഹം സിനിമാസ്റ്റൈലിലാണ് ബസ് ജീവനക്കാരെ നേരിട്ടത്. അക്രമങ്ങള് നോക്കിനില്ക്കുന്നവരുടെ എണ്ണം അതിക്രമിക്കുന്ന കാലത്താണ് ഈ വേറിട്ട മനുഷ്യന്റെ ഇടപെടല്. അതേസമയം, ആക്രമണം നടത്തിയ ബസ് ജീവനക്കാരെ പോലീസ് അറസ്റ്റു ചെയ്തിരുന്നു.
https://www.facebook.com/Malayalivartha
