കാക്കനാട്ടെ ധ്യാന കേന്ദ്രത്തില്‍ പത്താം ക്ലാസ്സ്‌ വിദ്യാര്‍ഥിനിയെ പീഡിപ്പിച്ചതായി പരാതി. സംഭവം പുറത്തുവന്നത് പെണ്‍കുട്ടിയുടെ പിതാവ് നല്‍കിയ ഹേബിയസ് കോര്‍പ്പസ് ഹര്‍ജിയെ തുടര്‍ന്ന്.

എറണാകുളം ചിറ്റൂര്‍ റോഡ്​ സ്വദേശിനിയായ​ പെണ്‍കുട്ടിയെ ധ്യാന കേന്ദ്രത്തിലും മറ്റൊരു സ്ഥലത്തും കൊണ്ടുപോയി മയക്കുമരുന്ന്​ നല്‍കി പീഡിപ്പിച്ചു എന്നാണ്​ പരാതി. സംഭവവുമായി ബന്ധപ്പെട്ട്​ സെന്‍ട്രല്‍ പൊലീസ് പെണ്‍കുട്ടിയുടെ മൊഴി രേഖപ്പെടുത്തി.

ഹൈകോടതി നിര്‍ദേശ പ്രകാരം കേസ് ​റജിസ്റ്റര്‍ ചെയ്​തു​. പൊക്സോ നിയമ പ്രകാരമാണ്​ കേസെടുത്തിരിക്കുന്നത്​. കുട്ടിയെ കൗണ്‍സിലിങ്ങിന് വിധേയയാക്കുമെന്ന്​​ പൊലീസ്​ അറിയിച്ചു. ഹരജി ഹൈകോടതി വെള്ളിയാഴ്ച വീണ്ടും പരിഗണിക്കും.