തിരുവനന്തപുരം പോത്തൻകോട് വെള്ളാണിക്കൽ പാറയിൽ യുവാവിനെയും യുവതിയെയും തൂങ്ങി മരിച്ച നിലയിൽ കണ്ടെത്തിയ സംഭവത്തിൽ കൂടുതൽ വിവരങ്ങൾ പുറത്ത് . ആര്യനാട് ഭാഗത്തുനിന്ന് കാണാതായ വെള്ളനാട് സ്വദേശികളായ ഷെബിൻ (34), അർച്ചന (32) എന്നിവരെയാണ് തൂങ്ങിമരിച്ച നിലയിൽ കണ്ടെത്തിയത്.

റബർ മരത്തിന്റെ രണ്ടു ശിഖരങ്ങളിലായി ഓരോ കൈകൾ തമ്മിൽ കൂട്ടിക്കെട്ടിയ നിലയിലായിരുന്നു മൃതദേഹങ്ങൾ. ഇവർ കമിതാക്കളാണെന്നാണു പൊലീസ് നിഗമനം . അതേസമയം അർച്ചന വിവാഹിതയാണ്. അർച്ചനയെ കാണാനില്ലെന്ന് കാട്ടി കഴിഞ്ഞ ദിവസം ഭർത്താവ് ആര്യനാട് പോലീസ് സ്റ്റേഷനിൽ പരാതി നൽകിയിരുന്നു. പോലീസ് അന്വേഷണം ഊർജ്ജിതമാക്കിയിരിക്കെയാണ് ഇവരെ മരിച്ച നിലയിൽ കണ്ടെത്തിയത്

വിനോദസഞ്ചാരികൾ വരുന്ന പ്രദേശത്ത് ആണ് മൃതദേഹങ്ങൾ കണ്ടെത്തിയത്. പാറയുടെ മുകളിൽ എത്തിയവരാണ് മൃതദേഹങ്ങൾ കണ്ടതിനെ തുടർന്ന് പോത്തൻകോട് പൊലീസിനെ വിവരമറിയിച്ചു. രണ്ട് പേരും കൈകൾ പരസ്പരം ബന്ധിപ്പിച്ച നിലയിലായതിനാൽ ഇതൊരു ആത്മഹത്യയാണെന്നാണ് പ്രാഥമിക നിഗമനം.പോത്തൻകോട് പോലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി മൃതദേഹങ്ങൾ പോസ്റ്റ്‌മോർട്ടത്തിനായി മെഡിക്കൽ കോളേജ് ആശുപത്രിയിലേക്ക് മാറ്റിയിരുന്നു.