പാമ്പുകടിയേറ്റ് മരണത്തെ മുഖാമുഖം കണ്ട പത്തു ദിവസങ്ങൾക്കൊടുവിൽ പത്തു വയസ്സുകാരൻ അനോഷ് ആശുപത്രി വിട്ടു. പ്രിയപ്പെട്ട താരം മെസ്സിയുടെ ജഴ്സിയണിഞ്ഞ്, കയ്യിലൊരു ഫുട്ബോളുമായി ചിരിച്ചു കൊണ്ട് അവൻ മടങ്ങിയപ്പോൾ അത് ആശ്വാസത്തിന്റെ കാഴ്ചയായിരുന്നു. എന്നാൽ ആ പുഞ്ചിരിക്കു പിന്നിലെ കനൽ അറിയാതെ സോഷ്യൽ മീഡിയയിൽ ആ മാതാപിതാക്കളെ ക്രൂരമായി വേട്ടയാടുകയാണ് ഒരു വിഭാഗം.

അനിയൻ അൽജോ ഇനി കൂടെയില്ലെന്ന സത്യം അനോഷ് അറിയാതിരിക്കാൻ ആ മാതാപിതാക്കൾ മറച്ചുപിടിക്കുന്ന സങ്കടത്തെ 'സന്തോഷം' എന്ന് വിളിച്ച് ആക്ഷേപിക്കുന്നവർ അറിയാത്ത ആ വീടിനുള്ളിലെ നൊമ്പരങ്ങളിലേക്ക്...