ജലനിധി പദ്ധതി മുഖേന കോളനിയിലേക്ക് കുടിവെള്ളം എത്തിയില്ല ; കോളനിവാസികള് ഗ്രാമസഭ ബഹിഷ്കരിച്ചു
കാന്തല്ലൂര് പഞ്ചായത്ത് മിഷന്വയലില് ജലനിധി പദ്ധതി മുഖേന കോളനിയിലേക്ക് കുടിവെള്ളം എത്താത്തതില് പ്രതിഷേധിച്ച് കോളനിവാസികള് ഗ്രാമസഭ ബഹിഷ്കരിച്ചു. 2013-14 സാമ്ബത്തിക വര്ഷത്തില് ജലനിധി പദ്ധതിയിലൂടെ കോളനിയിലേക്ക് കുടിവെള്ളം എത്തിക്കാനായി ഗുണഭോക്താക്കളില്നിന്ന് ഉപഭോക്തൃ വിഹിതമായി 1000 രൂപ വീതം പിരിച്ചെടുക്കുകയും പദ്ധതി നടത്തിപ്പിനായുള്ള നടപടി സ്വീകരിക്കുകയും ചെയ്തിരുന്നു.
തുടര്ന്ന് 2014-15 സാമ്ബത്തിക വര്ഷത്തില് സമീപ ഗ്രാമങ്ങളായ ചാനല്മേട്, കോരിയനാട്, ഒ.എച്ച് കോളനി, കോവില്ക്കടവ്, മിഷന്വയല് തുടങ്ങിയ അഞ്ചു ഗ്രാമങ്ങളിലേക്കും കുടിവെള്ളം എത്തിക്കാനായി പഞ്ചമി എന്ന പദ്ധതി രൂപികരിക്കുകയും ഉപഭോക്തൃ വിഹിതം പിരിക്കുകയും ചെയ്തു.
തുടര്ന്ന് ഈ പദ്ധതിയിലേക്ക് പഞ്ചായത്തിന്റെ വിഹിതമായി അടയ്ക്കേണ്ട 65 ലക്ഷം രൂപ മൂന്ന് വര്ഷം പിന്നിട്ടും അടയ്ക്കാത്തതിനാല് പദ്ധതി ഇല്ലാതായി എന്ന് ആരോപിച്ചാണ് ഗ്രാമവാസികള് ഒന്നടങ്കം ഗ്രാമസഭ ബഹിഷ്കരിച്ചത്.
https://www.facebook.com/Malayalivartha
