സംഘടനാപരമായും രാഷ്ട്രീയമായും പല തിരുത്തലുകളും വരുത്തേണ്ടതുണ്ടെന്നും ഈ ജനവിധി ഓര്മ്മപ്പെടുത്തുന്നു ; എത്രമാത്രം ഗൗരവത്തോടെ ഇക്കാര്യങ്ങള് തിരിച്ചറിഞ്ഞ് പ്രവര്ത്തിക്കുന്നു എന്നത് കോണ്ഗ്രസിനേ സംബന്ധിച്ച് സുപ്രധാനമാണെന്ന് വി ടി ബല്റാം എംഎല്എ
രാഷ്ട്രീയ സാഹചര്യങ്ങള് പലതും അനുകൂലമായിട്ടും മെച്ചപ്പെട്ട സ്ഥാനാര്ത്ഥിയുടെ സാന്നിധ്യമുണ്ടായിട്ടും ചെങ്ങന്നൂര് പോലുള്ള ഒരു മണ്ഡലത്തിലുണ്ടായ ഈ കനത്ത തോല്വിയില് നിന്ന് കോണ്ഗ്രസിനും യുഡിഎഫിനും പല പാഠങ്ങളും സ്വാഭാവികമായിത്തന്നെ ഉള്ക്കൊള്ളാനുണ്ട് വിടി ബല്റാം. ഈ വിജയത്തിലൂടെ സംസ്ഥാന സര്ക്കാരിന്റെ തെറ്റായ നടപടികളേയും അടിക്കടി ഉണ്ടാകുന്ന വീഴ്ചകളേയുമെല്ലാം ജനങ്ങള് കണ്ണുമടച്ച് അംഗീകരിക്കുന്നു എന്ന വിലയിരുത്തലിലേക്ക് ഭരണക്കാരും മാറില്ലെന്ന് പ്രതീക്ഷിക്കുന്നുവെന്ന് പറഞ്ഞ ബല്റാം. സംഘടനാപരമായും രാഷ്ട്രീയമായും പല തിരുത്തലുകളും വരുത്തേണ്ടതുണ്ടെന്ന് ഈ ജനവിധി ഓര്മ്മപ്പെടുത്തുന്നുവെന്നും ബല്റാം തന്റെ ഫെയ്സ്ബുക്ക് കുറിപ്പില് വ്യക്തമാക്കി.
ഫേസ്ബുക് പോസ്റ്റ് ഇങ്ങനെ ;
'ചെങ്ങന്നൂരിലെ സിറ്റിംഗ് സീറ്റ് മികച്ച ഭൂരിപക്ഷത്തില് നിലനിര്ത്തിയ എല്ഡിഎഫിനും വിജയിയായ സജി ചെറിയാനും അഭിനന്ദനങ്ങള്. ഈ ജനവിധിയെ എല്ലാ ബഹുമാനത്തോടും കൂടി ഉള്ക്കൊള്ളുന്നു. വോട്ടുകളുടെ എണ്ണത്തില് പ്രതീക്ഷിച്ച വര്ധനവ് നേടാന് കഴിഞ്ഞില്ലെങ്കിലും കഴിഞ്ഞ തവണത്തേതിനേക്കാള് കൂടുതല് വോട്ട് യുഡിഎഫിന് നേടാന് സാധിച്ചു എന്നതില് ഡി വിജയകുമാറിനും ആശ്വസിക്കാം. ബിജെപിയുടെ വോട്ടില് ഗണ്യമായ കുറവുണ്ടായതില് സന്തോഷം,' ബല്റാം പറഞ്ഞു.
രാജ്യത്തിന്റെ മറ്റ് പല ഭാഗങ്ങളിലുമുണ്ടായ ഉപതെരഞ്ഞെടുപ്പുകളില് സംഘപരിവാറിന് കനത്ത തിരിച്ചടി നല്കി കോണ്ഗ്രസും മതേതര കക്ഷികളും മുന്നേറുന്നു എന്നത് പ്രത്യാശാജനകമായ കാഴ്ചയാണ്. വരാനിരിക്കുന്ന ലോക്സഭ തെരഞ്ഞെടുപ്പിനെ സംബന്ധിച്ച് ഇത് ശുഭസൂചകമാണ്, ബല്റാം ഫെയ്സ്ബുക്കില് കുറിച്ചു.
രാഷ്ട്രീയ സാഹചര്യങ്ങള് പലതും അനുകൂലമായിട്ടും മെച്ചപ്പെട്ട സ്ഥാനാര്ത്ഥിയുടെ സാന്നിധ്യമുണ്ടായിട്ടും ചെങ്ങന്നൂര് പോലുള്ള ഒരു മണ്ഡലത്തിലുണ്ടായ ഈ കനത്ത തോല്വിയില് നിന്ന് കോണ്ഗ്രസിനും യുഡിഎഫിനും പല പാഠങ്ങളും സ്വാഭാവികമായിത്തന്നെ ഉള്ക്കൊള്ളാനുണ്ട്. സംഘടനാപരമായും രാഷ്ട്രീയമായും പല തിരുത്തലുകളും വരുത്തേണ്ടതുണ്ടെന്നും ഈ ജനവിധി ഓര്മ്മപ്പെടുത്തുന്നു. എത്രമാത്രം ഗൗരവത്തോടെ ഇക്കാര്യങ്ങള് തിരിച്ചറിഞ്ഞ് പ്രവര്ത്തിക്കുന്നു എന്നത് കോണ്ഗ്രസിനേ സംബന്ധിച്ച് സുപ്രധാനമാണ്.
ഈ വിജയത്തിലൂടെ സംസ്ഥാന സര്ക്കാരിന്റെ തെറ്റായ നടപടികളേയും അടിക്കടി ഉണ്ടാകുന്ന വീഴ്ചകളേയുമെല്ലാം ജനങ്ങള് കണ്ണുമടച്ച് അംഗീകരിക്കുന്നു എന്ന വിലയിരുത്തലിലേക്ക് ഭരണക്കാരും മാറില്ലെന്ന് പ്രതീക്ഷിക്കുന്നുവെന്ന് പറഞ്ഞ ബല്റാം. അങ്ങനെയുണ്ടാവുകയാണെങ്കില് അവരേയും തിരുത്താന് വേണ്ടി ജനങ്ങള് ഇവിടെത്തന്നെയുണ്ടാകുമെന്നതാണ് ജനാധിപത്യം മുന്നോട്ടുവക്കുന്ന പ്രതീക്ഷയെന്നും കൂട്ടിച്ചേര്ത്തു.
https://www.facebook.com/Malayalivartha
