പുത്തനുടുപ്പും കുടയും ബാഗുമായി കുരുന്നുകള്‍ ഇന്നുമുതൽ സ്‌കൂളിലേക്ക്. രണ്ടുലക്ഷത്തിലധികം വിദ്യാര്‍ത്ഥികളാണ് ഇത്തവണ ഒന്നാംക്ലാസിൽ പ്രവേശിക്കുന്നത്. പ്രവേശനോത്സവത്തിന്‍റെ ഭാഗമായി കുട്ടികളെ വരവേല്‍ക്കാന്‍ സംസ്ഥാനത്തെ എല്ലാവിദ്യാലയങ്ങളും ഒരുങ്ങിക്കഴിഞ്ഞു. നിപ്പ വൈറസ് ബാധയെ തുടർന്ന് കോ‍ഴിക്കോടും മലപ്പുറത്തും പ്രവേശനോത്സവം 5-ാംതിയതിലേക്ക് മാറ്റി.

6 ശനി ഉള്‍പ്പെടെ 201 അധ്യയന ദിനങ്ങളാണ് ഈ വര്‍ഷമുള്ളത്. 1 മുതൽ 10 വരെയുള്ള ക്ലാസുകളിലെ കുട്ടികങ്ങള്‍ക്കുള്ള പാഠപുസ്തക വിതരണം സ്കൂള്‍ തുറക്കുന്നതിന് മുന്‍പ് തന്നെ പൂർത്തിയാക്കിയത് കേരള വിദ്യാഭ്യാസ ചരിത്രത്തിലെ ആദ്യത്തെ സംഭവമാണ്. പരീക്ഷാ ടൈംടേബിള്‍ അടക്കം പൂർത്തിയാക്കിയാണ് ഈ അധ്യയന വര്‍ഷം ആരംഭിക്കുന്നത്.

1 മുതൽ 7 വരെയുള്ള ക്ലാസുകളിലെ കുട്ടികള്‍ക്കുള്ള കൈത്തറി യൂണിഫോമിന്‍റെ വിതരണവും പൂർത്തിയായി. സംസ്ഥാനത്തെ 40000 സ്കൂളുകള്‍ പൂർണമായും ഹൈടെക്കാക്കി. ഈ വർഷം മുതൽ പാഠപുസ്തകം ഡിജിറ്റലാകും. വിദ്യാഭ്യാസവകുപ്പിനെ ആധുനീകരിക്കുക എന്ന ലക്ഷ്യത്തോടെ കുട്ടികളെയും അധ്യാപകരെയെയും തമ്മിൽ കോര്‍ത്തിണക്കുന്ന സമഗ്ര പോർട്ടലും തയ്യാറായിക്ക‍ഴിഞ്ഞു. നിപ്പ വൈറസ് ബാധയെ തുടർന്ന് കോ‍ഴിക്കോടും മലപ്പുറത്തും പ്രവേശനോത്സവം 5-ാംതിയതിലേക്ക് മാറ്റി.