പ്രവേശനോത്സവം വര്ണാഭമായി, രണ്ടുലക്ഷത്തിലേറെ വിദ്യാര്ഥികള് പൊതുവിദ്യാലയങ്ങളില് പുതുതായി എത്തി
രണ്ട് മാസത്തെ മധ്യവേനലവധിക്കുശേഷം സ്കൂളികള് തുറന്നു. ഗംഭീരമായ പ്രവേശനോത്സവം സംസ്ഥാനമൊട്ടാകെയുള്ള പൊതുവിദ്യാലയങ്ങളില് സംഘടിപ്പിച്ചു. പ്രവേശനോല്സവത്തിന്റെ സംസ്ഥാനതല ഉദ്ഘാടനം തിരുവനന്തപുരം നെടുമങ്ങാട് ഗവ. ഗേള്സ് ഹയര് സെക്കന്ഡറി സ്കൂളില് മുഖ്യമന്ത്രി പിറണായി വിജയന് നിര്വ്വഹിച്ചു. പൊതുവിദ്യാലയങ്ങളെ മികവിന്റെ കേന്ദ്രമാക്കാനുള്ള സര്ക്കാരിന്റെ ശ്രമങ്ങള്ക്ക് വലിയ പ്രോല്സാഹനമാണ് ലഭിക്കുന്നതെന്ന് മുഖ്യമന്ത്രി പറഞ്ഞു. സര്ക്കാര് വിദ്യാലയങ്ങളിലേക്ക് കൂടുതല് കുട്ടികളെ ചേര്ക്കാന് മാതാപിതാക്കള് രംഗത്ത് വന്നത് വിദ്യാഭ്യാസവകുപ്പിന്റെ മികവിനുള്ള അംഗീകാരമാണെന്നും മുഖ്യമന്ത്രി പറഞ്ഞു.
പൊതുവിദ്യാലയങ്ങളെ അന്താരാഷ്ട്ര നിലവാരത്തിലേക്ക് ഉയര്ത്തുകയാണ് ലക്ഷ്യമെന്നും മുഖ്യമന്ത്രി പറഞ്ഞു. കുട്ടികള് കളിച്ചുവളരട്ടെയെന്നും അതാണ് നല്ലതെന്നും അദ്ദേഹം പറഞ്ഞു. വിദ്യാഭ്യാസമന്ത്രി സി രവീന്ദ്രനാഥ് അധ്യക്ഷനായി. പഠനം പാല്പായസമായി തോന്നട്ടെയെന്നും മന്ത്രി രവീന്ദ്രനാഥ് പറഞ്ഞു. ഇക്കൊല്ലം രണ്ടുലക്ഷത്തിലേറെ വിദ്യാര്ഥികള് പൊതുവിദ്യാലയങ്ങളില് പുതുതായി എത്തിയെന്നാണ് പ്രാഥമിക കണക്ക്. കുട്ടികള്ക്ക് പുക്കളും മധുരവും നല്കിയാണ് എല്ലാ സ്കൂളുകളിലും വരവേറ്റത്.
റവന്യൂ ജില്ല, ഉപജില്ലാ തലത്തിലും പഞ്ചായത്തുകളിലും എല്ലാ സര്ക്കാര്, എയ്ഡഡ് സ്കൂളുകളിലും പ്രവേശനോത്സവം സംഘടിപ്പിക്കുന്നുണ്ട്. പ്രവേശനോത്സവത്തിലും അധ്യയനവര്ഷത്തില് തുടര്ന്നും ഹരിതചട്ടം നിര്ബന്ധമായും പാലിക്കണമെന്ന് വിദ്യാഭ്യാസ വകുപ്പ് നേരത്തെ നിര്ദേശം നല്കിയിട്ടുണ്ട്. മലപ്പുറം, കോഴിക്കോട് ഒഴികെയുള്ള പന്ത്രണ്ട് ജില്ലകളിലെ സ്കൂളുകളും ഇന്ന്മുതല് പ്രവര്ത്തനമാരംഭിച്ചു
പൊതുവിദ്യാലയങ്ങള് ഹരിതവിദ്യാലയങ്ങളാക്കുക എന്ന ലക്ഷ്യത്തോടെ ഹരിതകേരളം മിഷന് തയ്യാറാക്കിയ 'ഹരിതോത്സവം' കൈപ്പുസ്തകം ഒരു ക്ലാസില് ഒരു പുസ്തകം എന്ന കണക്കില് എല്ലാ സ്കൂളിലും വിതരണം ചെയ്യുന്നുണ്ട്. എല്ലാ വിദ്യാര്ത്ഥികള്ക്കും മുഖ്യമന്ത്രി ഡയറി കൈമാറി. നല്ല ഡയറി എഴുതുന്നവര്ക്ക് സമ്മാനമുണ്ട്.
കണ്ണൂരിലെ ചില പൊതുവിദ്യാലയങ്ങളില് ഒന്നാം ക്ലാസ് പ്രവേശനത്തിന് കുട്ടികള് പതിവിലും കൂടുതല് എത്തിയതോടെ രക്ഷിതാക്കളും സ്കൂള് അധികൃതരും തമ്മില് വാക്കേറ്റമുണ്ടായി ഇതോടെ പ്രവേശനം തല്ക്കാലം നിര്ത്തിവെച്ചു.
https://www.facebook.com/Malayalivartha
