കനാൽ ബേസ് കോളനിയിൽ വിജയനെ രാത്രി വീട്ടിൽ അതിക്രമിച്ചു കയറി വെട്ടി കൊലപെടുത്തുകയും പ്രായമായ രണ്ടു സ്ത്രീകളേയും വെട്ടി പരിക്കേൽപ്പിക്കുകയും ചെയ്ത കേസിലെ പ്രധാനി നെല്ലായി സ്വദേശി ആലപ്പാട്ട് മാടാനി വീട്ടിൽ ജിജോ (27)യെ അറസ്​റ്റ്​ ചെയ്​തു. കണ്ണൂർ ജില്ലയിലെ തില്ലങ്കേരിക്കു സമീപമുള്ള മുടക്കുഴി മലയുടെ മുകളിൽ നിന്നാണ് ബോംബു നിർമ്മാണത്തിൽ വിദഗ്ധനായ ‘ബോംബ് ജിജോ’യെ പിടികൂടിയ​തെന്ന്​ പൊലിസ്​ അറിയിച്ചു.വനാതിർത്തിയിലെ ഒരു മലയിലെ ഒളിസങ്കേതത്തിൽനിന്നും ഇരിങ്ങാലക്കുട ഡിവൈ.എസ്.പി ഫേമസ്സ് വർഗ്ഗീസിന്‍റെ നേതൃത്വത്തിലുള്ള പ്രത്യേക അന്വേഷണ സംഘത്തലവൻ സി ഐ എം കെ സുരേഷ് കുമാർ ജിജോയെ പിടികൂടുകയായിരുന്നു.