കുരുന്ന് കുട്ടികളോട് അധ്യാപകര്‍ കാണിക്കുന്ന ക്രൂരകൃത്യങ്ങള്‍ ഒന്നൊന്നായി പുറത്ത് വരികയാണ്. കഴിഞ്ഞ ദിവസം തിരുവനന്തപുരത്തെ സ്‌കൂളില്‍ അഞ്ചു വയസുകാരനെ പട്ടിക്കൂട്ടിലടച്ചത് ഏറെ കോളിളക്കം സൃഷ്ടിച്ചിരുന്നു. അതിനു പിന്നാലെയാണ് കുട്ടികളെ കൊണ്ട് മൂത്രപ്പുര കഴികിച്ച സംഭവവും വെളിയിലാകുന്നത്. യൂണിഫോം ധരിച്ചില്ല എന്ന പേര് പറഞ്ഞാണ് ആലപ്പുഴ മണ്ണഞ്ചേരി തമ്പകച്ചുവട് എല്‍പി സ്‌കൂളിലെ കുട്ടികളെക്കൊണ്ട് മൂത്രപ്പുര കഴുകിച്ചത്.
രണ്ടാം ക്ലാസ് മുതല്‍ ഏഴാം ക്ലാസ് വരെയുള്ള വിദ്യാര്‍ത്ഥിളെ കൊണ്ടാണ് മൂത്രപ്പുര കഴുകിച്ചത്. സ്‌കൂളില്‍ നിന്നും വീട്ടിലെത്തിയ കുട്ടികള്‍ സംഭവം പറഞ്ഞതിനെ തുടര്‍ന്ന് രക്ഷിതാക്കള്‍ മണ്ണഞ്ചേരി പൊലീസില്‍ പരാതിപ്പെടുകയായിരുന്നു.ഇതോടൊപ്പം വിദ്യാഭ്യാസ മന്ത്രിക്കും ജില്ലാ വിദ്യാഭ്യാസ ഓഫീസര്‍ക്കും ശിശുക്ഷേമ സമിതിക്കും പരാതിയും നല്‍കിയിരുന്നു.
ശുചിത്വ മിഷന്റെ ഭാഗമായാണ് മൂത്രപ്പുര കഴികിച്ചതെന്നായിരുന്നു പ്രധാനഅധ്യാപികയുടെ വിശദീകരണം. 
അധ്യാപികയെ പുറത്താക്കണമെന്നാവശ്യപ്പെട്ട് യൂത്ത്‌ലീഗും ഡിവൈഎഫ്‌ഐയും ഇന്നലെ സ്‌കൂളിലേക്ക് ഇന്നലെ മാര്‍ച്ച് നടത്തിയിരുന്നു. വിദ്യാര്‍ത്ഥികളെ മൂത്രപ്പുര കഴുകിച്ച സംഭവത്തില്‍ നടപടി സ്വീകരിച്ച് റിപ്പോര്‍ട്ട് സമര്‍പ്പിക്കാന്‍ വിദ്യാഭ്യാസ വകുപ്പ് മന്ത്രി പി. കെ അബ്ദുറബ്ബ് വിദ്യാഭ്യാസ ഉപ ഡയറക്ടര്‍ക്ക് നിര്‍ദ്ദേശവും നല്‍കി.
സംഭവം വിവാദമായതോടെ പ്രധാന അധ്യാപികയെ സസ്‌പെന്‍ഡു ചെയ്യുകയായിരുന്നു. 

പട്ടിയെക്കുറിച്ച് സംസാരിച്ചാല്‍ പട്ടിക്കൂട്ടിലിടും... നാട്ടുകാര്‍ ഇളകിയതോടെ 5 വയസുകാരനെ 3മണിക്കൂര്‍ കൂട്ടിലിട്ട പ്രിന്‍സിപ്പാളിനെ അറസ്റ്റു ചെയ്തു; ടീച്ചറിനെതിരെ കേസ്

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha