പ്രതിഷേധം ഇരമ്പുന്നു; അഞ്ചു വയസുകാരനെ പട്ടിക്കൂട്ടിലടച്ച സംഭവത്തില് ഗുരുതര നിയമ ലംഘനം നടന്നുവെന്ന് റിപ്പോര്ട്ട്
അഞ്ചുവയസുകാരനെ പട്ടിക്കൂട്ടിലടച്ച സംഭവത്തില് ഗുരുതര നിയമ ലംഘനം നടന്നുവെന്ന് റിപ്പോര്ട്ട്. വിദ്യാഭ്യാസ ഡെപ്യൂട്ടി ഡയറക്ടറാണ് സര്ക്കാരിന് റിപ്പോര്ട്ട് നല്കിയത്. കുട്ടിയുടെ പ്രായം മാനിക്കാതെ 3 മണിക്കൂര് നേരം പട്ടിക്കൂട്ടില് അടച്ച പ്രിന്സിപ്പല് ശശികലയുടെ നടപടി നിയമ വിരുദ്ധമാണെന്നും റിപ്പോര്ട്ട് നല്കി.
വിദ്യാര്ത്ഥികളോട് ഉണ്ടാകാന് പാടില്ലാത്ത ശിക്ഷാ നടപടിയാണ് പ്രിന്സിപ്പല് സ്വീകരിച്ചതെന്നും റിപ്പോര്ട്ടില് പറയുന്നു. റിപ്പോര്ട്ട് ഉടന് തന്നെ സര്ക്കാരിന് കൈമാറും. സ്കൂളിന് അംഗീകാരമുണ്ടോ എന്ന് പരിശോധിച്ച് വരികയാണ്. സ്കൂളിനെ സംബന്ധിച്ച രേഖകളൊന്നും വിദ്യാഭ്യാസ വകുപ്പില് ലഭ്യമല്ല. സ്കൂളില് അടിസ്ഥാന സൗകര്യങ്ങളില്ല. വീടിനോട് ചേര്ന്ന ഷെഡിലാണ് സ്കൂള് പ്രവര്ത്തിക്കുന്നതെന്നും റിപ്പോര്ട്ടില് പറയുന്നു.
കുടപ്പനക്കുന്ന് പാതിരപ്പള്ളി ജവഹര് ഇംഗ്ലീഷ് മീഡിയം സ്കൂളിലെ യുകെജി വിദ്യാര്ത്ഥി അഭിഷേക് എസ് ജോമോനെയാണ് ക്ലാസ് ടീച്ചറും ചേര്ന്ന് മൂന്ന് മണിക്കൂറോളം പട്ടിക്കൂട്ടിലടച്ചത്. മറ്റൊരു കുട്ടിയോട് പട്ടിയെപ്പറ്റി സംസാരിച്ചതിനാണ് കുട്ടിയെ പട്ടിക്കൂട്ടില് അടച്ചത്. അതേസമയം കുട്ടിയെ പട്ടിക്കൂട്ടില് അടച്ച സംഭവത്തില് പ്രതിഷേധം ഇനിയും കെട്ടടങ്ങിയിട്ടില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
