യുകെജി വിദ്യാര്ഥിയെ പട്ടിക്കൂട്ടില് അടച്ച സംഭവത്തില് സ്കൂള് പൂട്ടാന് ഉത്തരവ്
അഞ്ചുവയസ്സുള്ള വിദ്യാര്ഥിയെ പട്ടിക്കൂട്ടിലടച്ച സംഭവത്തില് ജവഹര് സ്കൂള് പൂട്ടാന് ഉത്തരവായി. കടുത്ത നിയമലംഘനം നടന്നുവെന്ന് വിദ്യാഭ്യാസ ഡെപ്യൂട്ടി ഡയറക്ടറുടെ റിപ്പോര്ട്ടിന്റെ അടിസ്ഥാനത്തില് ഡി.പി.ഐയാണ് സ്കൂള് പൂട്ടാന് ഉത്തരവിട്ടത്. കുടപ്പനക്കുന്നിലെ ജവഹര് ഇംഗ്ളിഷ് മീഡിയം സ്കൂളിലാണ് കുട്ടിയെ പട്ടികൂട്ടിലാക്കിയ സംഭവം നടന്നത്. കുട്ടികളോട് ഒരിക്കലും നടപ്പാക്കാന് പാടില്ലാത്ത ശിക്ഷണ രീതിയും പെരുമാറ്റവുമാണ് സ്കൂളിന്റെ ഭാഗത്തു നിന്ന് ഉണ്ടായതെന്ന് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറുടെ റിപ്പോര്ട്ട് പറയുന്നു.
ജവഹര് ഇംഗ്ളിഷ് മീഡിയം സ്കൂളില് വേണ്ട സൗകര്യങ്ങള് ഒന്നുമില്ല. വീടിനോട് ചേര്ന്ന ഷെഡിലാണ് സ്കൂള് പ്രവര്ത്തിക്കുന്നത്. ഈ സ്കൂളിനെ സംബന്ധിച്ച രേഖകള് ഒന്നും വിദ്യാഭ്യാസ വകുപ്പിന്റെ പക്കലില്ല. സ്കൂളിനെതിരെ കര്ശന നടപടി കൈക്കൊള്ളണമെന്നും റിപ്പോര്ട്ട് ശുപാര്ശ ചെയ്തു.
റിപ്പോര്ട്ടിന്റെ അടിസ്ഥാനത്തില് കൂടുതല് നടപടികള് ഉണ്ടാകുമെന്ന് വിദ്യാഭ്യാസ മന്ത്രി പി.കെ.അബ്ദുറബ്ബ് പറഞ്ഞു. സ്കൂളിന്റെ ഭാഗത്ത് തെറ്റുണ്ടായി എന്ന് വിദ്യാഭ്യാസ മന്ത്രി പി.കെ.അബ്ദുറബ്ബ് പറഞ്ഞു. സ്കൂള് പൂട്ടാന് ഉത്തരവായ സാഹചര്യത്തില് വിദ്യാര്ഥികളുടെ പഠനം മുടങ്ങാതിരിക്കാന് ബദല് സംവിധാനമൊരുക്കുമെന്ന് ജില്ലാ കലക്ടര് ബിജു പ്രഭാകര് അറിയിച്ചു.
സഹപാഠിയോട് സംസാരിച്ചതിനാണ് യു.കെ.ജി വിദ്യാര്ത്ഥിയെ പ്രിന്സിപ്പലും ക്ലാസ് ടീച്ചറും ചേര്ന്ന് പട്ടിക്കൂട്ടിലടച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
