വസ്ത്രങ്ങള് വലിച്ചുകീറി തല മൊട്ടയടിച്ച് നഗ്നയാക്കി ഫാനില് കെട്ടിത്തൂക്കി, ഇതേ രീതിയിൽ കെട്ടിത്തൂക്കുമെന്ന് ഭീഷണിപ്പെടുത്തി, എന്റെ വസ്ത്രം നിറയെ രക്തമായിരുന്നു... സുഹൃത്തുക്കളുടെ മുന്നില് നൃത്തം ചെയ്യാന് ഭര്ത്താവിന്റെ ആവശ്യം നിരസിച്ച യുവതിയോട് കൊടുംക്രൂരത
ഭർത്താവിന്റെ കൊടുംക്രൂരതകൾ സമൂഹമാധ്യമങ്ങളിലൂടെ പുറംലോകത്തെ അറിയിച്ച് അസ്മ അസീസ് എന്ന യുവതി. സുഹൃത്തുക്കളുടെ മുന്നില് നൃത്തം ചെയ്യാന് ഭര്ത്താവിന്റെ ആവശ്യം നിരസിച്ചതോടെ കൊടിയ പീഡനം തുടരുകയായിരുന്നു. ജോലിക്കാരുടെ സഹായത്തോടെ ഇയാള് അസ്മയുടെ വസ്ത്രങ്ങള് വലിച്ചുകീറി തല മൊട്ടയടിച്ച് നഗ്നയാക്കി ഫാനില് കെട്ടിത്തൂക്കി. ഇതേ രീതിയില് തൂക്കിലേറ്റുമെന്ന് ഭീഷണിപ്പെടുത്തുകയും ചെയ്തു. മാര്ച്ച് ഇരുപത്തിയാറിനായിരുന്നു സംഭവം നടന്നത്. ലാഹോര് സ്വദേശിയായ ഫൈസലിന്റെ ക്രൂരതകളാണ് വീഡിയോയിലൂടെ അസ്മ പുറത്തുവിട്ടത്.
ലാഹോറിലെ അപ്മാര്ക്കറ്റ് ഹൗസിങ് അതോരിറ്റിയിലാണ് ദമ്പതികള് താമസിക്കുന്നത്.'അയാള് ജോലിക്കാരുടെ മുന്നില് വച്ച് എന്റെ വസ്ത്രം വലിച്ചൂരി. ജോലിക്കാര് എന്നെ പിടിച്ചുവെക്കുകയും ഭര്ത്താവ് എന്റെ മുടി വടിക്കുകയും കത്തിച്ചു കളയുകയും ചെയ്തു. എന്റെ വസ്ത്രം നിറയെ രക്തമായിരുന്നു. എന്നെ ഒരു പൈപ്പില് ബന്ധിച്ചു. ഫാനില് കെട്ടിതൂക്കി. വിവസ്ത്രയാക്കി എന്നെ തൂക്കിലേറ്റുമെന്ന് അയാള് ഭീഷണി മുഴക്കി'അസ്മ പറഞ്ഞു.
പിന്നീട് സംഭവത്തെ പറ്റി പൊലീസില് പരാതി നല്കിയെങ്കിലും നടപടിയെടുക്കാന് അവര് തയ്യാറായില്ലെന്നും അസ്മ കുറ്റപ്പെടുത്തി. എന്നാല് അസ്മയുടെ പ്രസ്താവനയെ പൊലീസ് നിഷേധിച്ചു. പരാതിയുടെ അടിസ്ഥാനത്തില് അസ്മയുടെ വീട്ടില് പൊലീസുകാര് പോയിരുന്നുവെന്നും എന്നാല് വീട് പൂട്ടിയിട്ടിരുന്നുവെന്നും ഉദ്യോഗസ്ഥര് പറഞ്ഞു.സംഭവത്തില് മനുഷ്യാവകാശ സംഘടനയായ ആംനെസ്റ്റി ഇന്റര്നാഷണലും ഇടപെട്ടിട്ടുണ്ട്.
https://www.facebook.com/Malayalivartha