ഉത്തര്പ്രദേശ് മുഖ്യമന്ത്രി യോഗി ആദിത്യനാഥിന് തിരഞ്ഞെടുപ്പ് കമ്മീഷന്റെ താക്കീത്
ഉത്തര്പ്രദേശ് മുഖ്യമന്ത്രി യോഗി ആദിത്യനാഥിന് തിരഞ്ഞെടുപ്പ് കമ്മീഷന്റെ താക്കീത്. പ്രസ്താവനകള് നടത്തുമ്പോള് കൂടുതല് ശ്രദ്ധ പാലിക്കണമെന്ന് തിരഞ്ഞെടുപ്പ് കമ്മീഷന് ആദിത്യനാഥിന് നിര്ദേശം നല്കി. യോഗി നടത്തിയ 'മോദിയുടെ സൈന്യം' എന്ന പരാമര്ശത്തിനെതിരെയാണ് കമ്മീഷന്റെ നടപടി. കഴിഞ്ഞ ആഴ്ച നടത്തിയ പ്രസംഗത്തിനിടെ യോഗി ആദിത്യനാഥ് ഇന്ത്യന് സൈന്യത്തെ 'മോദി സേന' എന്ന് വിശേഷിപ്പിച്ചിരുന്നു. ഇതിനെതിരെ വ്യാപക പ്രതിഷേധം ഉയര്ന്നിരുന്നു.
കോണ്ഗ്രസ് ഉള്പ്പടെയുള്ള പാര്ട്ടികള് ഈ പരാമര്ശത്തിനെതിരെ തിരഞ്ഞെടുപ്പ് കമ്മീഷനെ സമീപിച്ചിരുന്നു. തുടര്ന്ന് യോഗിയോട് തിരഞ്ഞെടുപ്പ് കമ്മീഷന് വിശദീകരണം തേടി. ഇതിന്റെ അടിസ്ഥാനത്തിലാണ് തിരഞ്ഞെടുപ്പ് കമ്മീഷന് യോഗി ആദിത്യനാഥിന് മുന്നറിയിപ്പ് നല്കിയിരിക്കുന്നത്. ഇത്തരം പ്രസ്താവനകളില് നിന്ന് പിന്മാറണമെന്നും. ഭാവിയില് പ്രസ്താവനകള് നടത്തുമ്പോള് കൂടുതല് ജാഗ്രത കാണിക്കണമെന്നും കമ്മീഷന് യോഗിക്ക് നിര്ദേശം നല്കി.
സൈന്യത്തെ രാഷ്ട്രീയമായി ഉപയോഗിക്കുന്നതില് നിന്ന് രാഷ്ട്രീയ പാര്ട്ടികള് പിന്മാറണമെന്ന് തിരഞ്ഞെടുപ്പ് കമ്മീഷന് നേരത്തെ വ്യക്തമാക്കിയിരുന്നു.
"
https://www.facebook.com/Malayalivartha