മക്കളുടെ വിവാഹത്തിന് മൂന്നാഴ്ച മുന്നെ വരന്റെ പിതാവും വധുവിന്റെ മാതാവും ഒളിച്ചോടി
മക്കളുടെ വിവാഹത്തിന് മൂന്നാഴ്ച മുന്നെ വരന്റെ പിതാവും വധുവിന്റെ മാതാവും ഒളിച്ചോടിയതായി റിപ്പോര്ട്ട്. ഗുജറാത്തിലെ ഗാന്ധിനഗറിലാണ് സംഭവം നടന്നത്. ഫെബ്രുവരി രണ്ടാംവാരം നടത്താന് നിശ്ചയിച്ചിരുന്ന വിവാഹം പിതാവിന്റെയും വധുവിന്റെ മാതാവിന്റെയും ഒളിച്ചോട്ടത്തെ തുടര്ന്ന് മുടങ്ങി. കഴിഞ്ഞ പത്ത് ദിവസമായി വരന്റെ പിതാവിനെയും വധുവിന്റെ മാതാവിനെയും കാണാതാവുകയായിരുന്നു. തുടര്ന്ന് നടത്തിയ അന്വേഷണത്തിലാണ് ഇരുവരും ഒളിച്ചോടിയ കാര്യ പുറത്തറിയുന്നത്. രണ്ട് കുടുംബക്കാരെയു നാണം കെടുത്തുന്ന സംഭവത്തില് ബന്ധുക്കള് പൊലീസില് പരാതി നല്കിട്ടുണ്ട്. 48 വയസ്സുകാരനായ വരന്റെ പിതാവിനെയും 46 വയസ്സുകാരിയായ വധുവിന്റെ മാതാവിനെയും ഒരേ ദിവസം തന്നെയാണ് കാണാതായത്. അതേസമയം ഒരുവര്ഷമായി വിവാഹത്തിന് തയ്യാറെടുത്തിരുന്ന യുവാവിനും യുവതിക്കുമാണ് പണി കിട്ടിയിരിക്കുന്നത്.
എന്നാല് ഒളിച്ചോടിയ ഇരുവരും പണ്ടേ പ്രണയത്തിലായിരുന്നെന്നാണ് ബന്ധുക്കള് പറയുന്നത്. നവസാരിയിലെ ഒരു ബ്രോക്കറാണ് 46 വയസ്സുകാരിയുടെ ഭര്ത്താവ്. ഇരുകുടുംബങ്ങളും കുറേവര്ഷങ്ങളായി അടുത്തടുത്തായിരുന്നു താമസമെന്നും ഇരുവരും തമ്മില് ചെറുപ്പംതൊട്ടേ പരിചയമുണ്ടായിരുന്നുവെന്നുമാണ് ബന്ധുക്കള് പറയുന്നു. 46 വയസ്സുകാരിയുടെ വിവാഹത്തിന് മുമ്ബ് ഇരുവരും പ്രണയത്തിലായിരുന്നെന്ന് ബന്ധുക്കള് പറഞ്ഞതായും റിപ്പോര്ട്ടുകള് പുറത്തുവന്നിട്ടുണ്ട്.
https://www.facebook.com/Malayalivartha